必勝客

Open Now

Now Closed

星期日既下午，唔知食咩好，行行下黎到樂富廣場。行過呢間連鎖店，好耐都無入過去食，於是就入去坐下。同老友兩個一齊，我地都算食得，諗住就兩個午餐加個小食，應該就岩岩好。叫左個肉醬意粉、焗海鮮濶條麵，小食拼盤。場內坐滿食客，不過都算好快，唔需要等好耐就有得食，總算不過不失。肉醬意粉，意粉算幾好，可惜肉醬就好鹹下，算係重口味。焗海鮮濶條麵，芝士味幾濃，雖然我唔係太鍾意芝士，不過都算入得口，濶條麵乾身，幾有咬口，幾鍾意。小食拼盤，就普通左，腸仔，雞翼，魚柳等，應有既味道，不過不失，都算唔太鹹。職員安排我地坐係角落頭，最初都無為意，越食越熱，冷氣唔係好流通，呢樣要改善一下。