富臨皇宮 (Closed)

第一次見女朋友個婆婆有啲緊張 去咗元朗富臨皇宮呢度食晚飯 希望畀多個好印象佢 唔記得咗訂枱不過好在唔使等位 而且呢度坐得幾舒服又夠光猛 首先叫個湯 金銀菜白肺湯 個湯用咗好多豬骨老雞同埋豬肺去做 金銀菜煲到出曬味又夠淋 岩晒老人家食 而且豬肺洗得好乾淨 白雪雪 生煎菜肉包 等咗一陣先至到 應該係即叫即煎熱辣辣 入面好多肉汁 而且包皮好鬆軟 夠曬香口花膠冬菇炆鵝掌 鵝掌整得好淋夠入味 送酒一流 花菇大大隻唔失禮 不過花膠有點失望 因為未夠冧身 支竹羊腩煲 份量超大 羊肉微騷 不過唔太冧 加上爽脆嘅馬蹄 同索味嘅枝竹 唔錯最後甜品係芒果卷 外皮係糯米糍皮加椰絲 個涵料係芒果味嘅布甸 口感幾有趣