Video
Read full review
2009-09-28
72 views
一個晴朗的星期六下午, 兩人穿過太古廣場來到呢間法國菜, 地方不大, 但裝潢頗堂皇, 而我訂檯時明明已reserved同confirmd左window seat, 但去到卻被安排到靠牆的檯, 真係以一間高級餐廳來說, 真係講唔通亦唔明解?講番食物先, 兩個courses賣$368, 三個 courses則賣$428, 仲包一杯餐酒同咖啡或茶, 以一間有米豬蓮餐廳來說, 價錢絕對合理, 我個人比較貪心, 選擇左三個 courses的午餐點完菜後, 先送上兩種分別係有鹽同無鹽的牛油同自製法式麵包, 有百吉包, 麥包, 小軟包同牛油卷, 我4種都試過, 水準皆高, 百吉包內軟外脆, 麥包則似一個有麥味的百吉包, 方型的小軟包味道較淡但軟熟非常, 牛油卷則有濃烈的牛油香但比較油膩 , 喜歡的仲可以添食...食完包後上湯, 我選擇左一個凍的青豆蓉湯配羊奶芝士(chilled green pea soup, goat cheese cream), 凍湯用酒杯奉上, 飲落去當然唔係話凍得好緊要, 但夏天飲落去又的確清涼舒服, 青豆打得好碎, 飲落去豆味濃而且順喉, 唔會好似有d餐廳打得唔夠碎一仲要
講番食物先, 兩個courses賣$368, 三個 courses則賣$428, 仲包一杯餐酒同咖啡或茶, 以一間有米豬蓮餐廳來說, 價錢絕對合理, 我個人比較貪心, 選擇左三個 courses的午餐
點完菜後, 先送上兩種分別係有鹽同無鹽的牛油同自製法式麵包, 有百吉包, 麥包, 小軟包同牛油卷, 我4種都試過, 水準皆高, 百吉包內軟外脆, 麥包則似一個有麥味的百吉包, 方型的小軟包味道較淡但軟熟非常, 牛油卷則有濃烈的牛油香但比較油膩 , 喜歡的仲可以添食...
食完包後上湯, 我選擇左一個凍的青豆蓉湯配羊奶芝士(chilled green pea soup, goat cheese cream), 凍湯用酒杯奉上, 飲落去當然唔係話凍得好緊要, 但夏天飲落去又的確清涼舒服, 青豆打得好碎, 飲落去豆味濃而且順喉, 唔會好似有d餐廳打得唔夠碎一仲要用牙齒嘴嚼才行, 而羊奶芝士釀入青豆殼內, 羊奶芝士的味道非常濃郁, 可以叫好蘇'的羊奶味道, 唔係個個人頂得順, 好此道者必定喜歡, 但我試完後我就覺得太'蘇'啦!
之後上的係主菜seared brittany whiting fillet, sauteed young vegetables with salty butter, 本來係whiting fillet, 點知賣晒, 轉左多寶魚, 點知點菜時又話售罄, 最後改左為monkfish, 即鮟康魚, 自問未食過, 侍應稱鮟康魚的肉比較彈牙有d似龍蝦肉, 我梗係想試下, 上菜後一口咬下去, 果然有d似龍蝦般,肉質結實不鬆散，彈牙, 比 一般魚肉好味, 另有用牛油煮過的蔬菜伴碟, 味道一般
食完主菜後才恍然大悟發覺頭盤尚未到, 我叫的係蕃茄香草意大利飯配黑松露牛肉汁(tomato risotto, truffle beef jus and basil), 但竟然係食完主菜後才上, 呢個都算好明顯的失策講番個飯, 雖然唔知點解法國菜有意大利飯食, 但呢個意大利飯煮得實在出色, 煮飯的時間恰到好處, 煮得al dente, 粒粒分明, 有咬口, 配上淡淡的牛肉汁同濃濃的黑松露香味, 當中還應該配上新鮮蕃茄同黑醋同煮, 酸味味的令人胃口大開, 激讚~~
飯後我無加錢選擇芝士, 而我加左$60要個甜品:冧酒焗菠蘿伴椰子雪糕(roast baby pineappple flambe with aged rum, coconut ice-cream)試下, 菠蘿上有一條雲呢拿條, 放在碟中浸住焦糖水同rum酒, 上碟後點火, 令酒香散發出來, 蘿蘿雖然只係一小件, 但卻用上新鮮的, 因為食落去甜甜酸酸同有質感, 而且有不少根, 絕對唔係罐頭貨色, 菠蘿帶有焦糖味同頗濃的rum酒苦澀味道, 實在過癮, 不過酒的苦味卻唔係人人喜歡, 另伴有椰子雪糕, 上層用d類似威化餅的皮夾著, 下層則用類似拿破崙的酥皮, 咬落去的感覺好得意, 雪糕味道係偏淡, 唔甜得來都幾清新!!
最後侍應問我想食咩petit four, 見我無咩意見, 佢就係甜品車上選擇的小甜點給我, 有綿花糖, 檸檬撻, 朱古力, 雜果撻, 泡芙, 因為已經好飽, 所以只係淺嘗, 味道一般, 無咩特別!! 餐茶我要左cappuccino, 泡沫打得企, 飲落都幾順滑, 咖啡味道偏淡, 不過高級餐廳的咖啡同各種茶類推始終唔會太差的
連一樽karoo的still water($100)同加一, 埋單每人$603, 食物水準雖然唔係法國菜的頂級, 但整體都算唔錯, 不過始終對之前提到的window seat的安排同頭盤漏單的問題大感不惑, 水準真係與高級餐廳不符!! 而服務則有好有唔好, 法籍經理服務不錯, 有個別男侍應並未沒有清楚解釋菜單, 但卻有一位好似叫Charity的女receptionist則非常體貼, 整體仍勉強值得一個笑臉的
Post
