Video
Read full review
2009-10-10
12 views
食咗兩日Big John, 真係無諗過呢間小店嘅野食咁啱食!! 原來除咗一向有好評嘅格仔餅同芝士餅之外, 原來有驚喜嘅仲有水餃同糖水~尋日食咗淨冬菇雞肉餃轉蕃茄湯底($25), 另加$5有是日糖水係紅棗蓮子百合圓肉糖水... 冬菇雞肉餃轉蕃茄湯底:食過幾次, 水餃size都幾大隻, 一碗有8隻, 我第一次食個陣佢用嘅皮係餃子皮, 皮比較厚, 所以個次食到最後兩三隻都已經好飽, 唯有棄皮食餡...不過最近再去食, 佢已經改良咗, 改用咗薄身嘅水餃皮, 但係size依然頗大隻, 一個女仔食會好飽!! 初初會擔心水餃餡嘅雞肉會"鞋", 不過食落就一d都唔"鞋", 加埋冬菇, 好味升級!! 蕃茄湯底好清, 仲有好多蕃茄薯仔同甘筍粒, 好清甜嘅蔬菜湯, 味道偏淡, 飲埋d湯都唔會涸喉! 對減肥嘅人來講, 呢個lunch都係幾好嘅選擇, 即係我, 哈哈!! 紅棗蓮子百合圓肉糖水:第一次食Big John嘅糖水...呢幾日天氣開始乾燥, 好想食個滋潤嘅糖水, 見跟餐加$5就有, 所以就試吓啦...好足料呀!! 成半碗多都係材料, 好多圓肉同紅棗大大粒, 只係對我來講甜咗少少! 雖然已經好飽, 不過都
原來除咗一向有好評嘅格仔餅同芝士餅之外, 原來有驚喜嘅仲有水餃同糖水~
尋日食咗淨冬菇雞肉餃轉蕃茄湯底($25), 另加$5有是日糖水係紅棗蓮子百合圓肉糖水...
冬菇雞肉餃轉蕃茄湯底:
食過幾次, 水餃size都幾大隻, 一碗有8隻, 我第一次食個陣佢用嘅皮係餃子皮, 皮比較厚, 所以個次食到最後兩三隻都已經好飽, 唯有棄皮食餡...不過最近再去食, 佢已經改良咗, 改用咗薄身嘅水餃皮, 但係size依然頗大隻, 一個女仔食會好飽!! 初初會擔心水餃餡嘅雞肉會"鞋", 不過食落就一d都唔"鞋", 加埋冬菇, 好味升級!! 蕃茄湯底好清, 仲有好多蕃茄薯仔同甘筍粒, 好清甜嘅蔬菜湯, 味道偏淡, 飲埋d湯都唔會涸喉! 對減肥嘅人來講, 呢個lunch都係幾好嘅選擇, 即係我, 哈哈!!
紅棗蓮子百合圓肉糖水:
第一次食Big John嘅糖水...呢幾日天氣開始乾燥, 好想食個滋潤嘅糖水, 見跟餐加$5就有, 所以就試吓啦...好足料呀!! 成半碗多都係材料, 好多圓肉同紅棗大大粒, 只係對我來講甜咗少少! 雖然已經好飽, 不過都成碗糖水清晒!! 好滿足呀~~~
尋日太滿意, 所以今日帶埋個同事一齊去食...
薑蔥牛肉撈丁配沙嗲汁($28) : 同事叫嘅, 我無食到! 見牛肉都幾大塊, 好多薑蔥好香呀, 不過丁麵就油咗d...
沙葛魚蓉餃($25) : 我都係第一次見到呢款水餃, 所以就試吓! 魚蓉餡中食到d爽口嘅蔬菜, 都幾特別, 味道都幾夾!!
格仔餅(+$6) : 同同事share食, 第一次堂食格仔餅, 真係好食過外賣好多!! 外脆內軟, 佢係即製嘅, 所以好夠熱, 加埋煉奶同粗粒花生醬, 好好味呀!!! 雖然食完好有罪惡感...
是日糖水苡米腐竹蛋(+$5) : 一打開碗蓋, wow~ 我以為碗糖水係燉蛋呀! 因為好濃呀~ 佢唔係俾成隻蛋, 而係蛋花, 都係甜咗少少, 不過都好好味, 又一糖水推介!!
提一提大家, 叫水餃係會等得耐d, 同埋佢地做好多外賣, 所以一到lunch time係要比較有耐性...真係好難得喺尖沙咀搵到一間又好食又啱口味又平嘅食店, 呢度就嚟變咗我嘅飯堂啦!!
Post