The Blind Pig (蘇豪東B期)

Open Now

Now Closed

📍呢間餐廳咁啱嚟到見今日做緊優惠，星期三有雞翼$8隻，朋友即刻就話想去！入去氣氛都幾好，傾計好舒服，比較適合飲酒多過食嘢。雞翼有8隻口味揀，包括maple bourbon、BBQ、是拉差同四川麻辣味等等，我哋揀咗四川麻辣味，本身仲以為淋晒啲醬喺隻雞翼度，點知原來係比一小碟我哋點，醬嘅味道偏淡，不過雞翼幾脆口。主菜就揀蒜辣欖油大蜆意粉($172)，炸魚薯條($192)，意粉就口味都係偏淡口同埋唔係好油，蜆都算大隻。炸魚唔算大條，偏幼身，不過肉都幾實同夠熱。叫咗杯香蕉雪糕新地($98)，味道比較似沙冰多過雪糕，面頭除咗香蕉仲有半塊窩夫。