Cherry Tokyo Cafe (愉景新城) (Closed)

逢星期六日，愉景新城午飯時間每間餐廳都爆棚。今日個仔玩到冇晒電又累又餓，決定搵間最少人既餐廳醫肚！又好好彩咁等10分鐘就有位喇！叫左幾樣野，除左個漢堡飽份量我覺得細左啲，其他都唔錯，上菜都係5-10分鐘就有！我食蕃茄焗黑豚豬扒飯，番茄味好濃，豬扒軟熟度，拍得住大家樂焗豬喎！黑咖喱豬扒飯係咸左少少，不過整體上都高性價比既！至於唐揚手羽都係不過不失，$38/3隻來說，係有少少貴嘅！環境方面，話哂都處於親子商場，配套方面做足，見到我有小朋友都主動提供BB櫈+餐具，值得一讚！