豊勝手丼 (Closed)

反完半日工，收工梗去食餐好慰勞自己😙星期六竟然有午市定食，隨餐會附送沙律🥗前菜同味噌湯，仲可以優惠價追加小食🌟白雪丼，見餐牌寫人氣之選，有丁香魚干、塩菊帶子、碎䓤吞拿魚，以塩菊調味好特別，有助進一步帶出帶子嘅鮮甜🌟鮮漬丼好豐富，有三文魚醬油漬、油甘魚醬油漬、赤身醬油漬、赤海蝦同三文魚籽，赤身好高質，柔軟而有魚味，赤海蝦厚肉大隻，剌身醬油漬嘅調味並唔係死鹹㗎🌟油甘魚 （追加小食）用小木船盛載，有3塊剌身，色澤新鮮誘人🌟吉列炸蠔 （追加小食 ）熱辣辣，外層酥脆，蠔味濃總結🌸wasabi 係原條磨個種，味偏辛辣，記得一次唔好落太多，否則超嗆鼻