Video
Read full review
2014-07-18
1081 views
每逄週六便是我和老公拍拖的日子，老公提議在Openrice找一間方便泊車而又價錢平民化的餐廳，今次他選了粉嶺區的一間意式餐廳。早上11時半，我們出發了，可能是沒有吃早餐的關係，而且車程也足足要半小時，我的肚子在咕嚕咕嚕的叫了，所以老公泊好車後，我地已急不及待去找這間第一次光顧的餐廳。 餐廳位置就在廣場地下，很容易找到，可能時間尚早，我們走進餐廳時只有3-4枱食客，我走到近窗的Sofa卡位坐下，待應放下Menu，我和老公order了1份煙三文魚凱撒沙律 (HK$64@)、1客芝士菠菜吞拿魚焗意粉 (HK$42@)、1份9吋教父Pizza (HK$128@)及2杯凍檸茶(+HK$3@)。先來2杯凍檸茶，老公個杯凍檸茶正常，但我個杯走甜的凍檸茶就大件事了，我一飲下去，救命呀，唔知係個茶"叔"左定係d檸檬變左，我平時飲凍檸茶必定走甜，我唔相信走甜的味道係咁，我同老公講，杯野好似怪怪地，叫佢也試下，之後佢叫左個短髮的女待應來，話比佢聽杯野怪怪地，個待應回答呢杯係走甜，暈底了，我夠知呢杯係走甜，之後我老公表示杯野係變左，個待應好似好唔願意咁幫我換個杯； 之後另一個中長髮女待應送上我們的食物，先來煙
早上11時半，我們出發了，可能是沒有吃早餐的關係，而且車程也足足要半小時，我的肚子在咕嚕咕嚕的叫了，所以老公泊好車後，我地已急不及待去找這間第一次光顧的餐廳。 餐廳位置就在廣場地下，很容易找到，可能時間尚早，我們走進餐廳時只有3-4枱食客，我走到近窗的Sofa卡位坐下，待應放下Menu，我和老公order了1份煙三文魚凱撒沙律 (HK$64@)、1客芝士菠菜吞拿魚焗意粉 (HK$42@)、1份9吋教父Pizza (HK$128@)及2杯凍檸茶[1杯正常，另1杯要走甜](+HK$3@)。
先來2杯凍檸茶，老公個杯凍檸茶正常，但我個杯走甜的凍檸茶就大件事了，我一飲下去，救命呀，唔知係個茶"叔"左定係d檸檬變左，我平時飲凍檸茶必定走甜，我唔相信走甜的味道係咁，我同老公講，杯野好似怪怪地，叫佢也試下，之後佢叫左個短髮的女待應來，話比佢聽杯野怪怪地，個待應回答呢杯係走甜，暈底了，我夠知呢杯係走甜，之後我老公表示杯野係變左，個待應好似好唔願意咁幫我換個杯； 之後另一個中長髮女待應送上我們的食物，先來煙三文魚凱撒沙律，她放下後面帶笑容及有禮貌的跟我說唔好意思，杯走甜凍檸茶依家再整，並盡快比我；本來之前個短髮待應的服務態度令我有點不愉快，但中長髮女待應的服務態度令我對呢間餐廳加分；之後來了芝士菠菜吞拿魚焗意粉及9吋教父Pizza，以及我杯新的走甜凍檸茶，呢杯終於是正常的檸檬茶味，茶的顏色及味道也跟之前變質的不同。
食左大約1小時，間餐廳開始多人，差不多滿座，我地都埋單走人，讓個卡位出來比d一家大細食客，臨走時，個中長髮女待應好有禮貌咁同我地說多謝及Byebye。總結呢一餐也算不錯，我地會再來，下次可以試下其他款式的Pizza及意粉。
Post
