岩鹽日本料理 (MOKO新世紀廣場)

Open Now

Now Closed

晏左出動差唔多3點先入座，但都座無虛席，睇黎應該唔錯。睇過餐牌星期六都有午巿套餐，重有非常多嘅選擇，有刺身飯、壽司套餐、熟食丼飯、鍋物，最特別係連釜飯都有，勁呀。我就揀左壽喜燒牛肉鍋配飯。套餐除左鍋，重有沙律菜、蒸蛋、3片刺身、漬物醃菜，重有一隻雞蛋俾你打落壽喜燒鍋。睇見咁夕一野食就開心，個鍋燒住滾住，鍋入面有好多旺菜，有冬菇、金菇、芋絲、豆腐、洋蔥等，牛肉片就細細片，份量比較少，不過都算有牛味。蒸蛋就有一片魚蛋，味道就較普通，魚生有三文魚、池魚同帶子，尚算新鮮，不過味道就淡啲。飯後重有哈根大師雪糕杯，雪得好硬我好難用入面附有嘅木匙，就打算等佢攤一陣融下先，點知侍應好細心，見到咁樣自動俾左一支鐵茶匙我，真係好貼心！