PizzaExpress (Closed)

蟹肉意粉:很失望，意粉得個辣字，完全吸唔到蟹肉的鮮味。蟹肉雖然鮮甜，但份量少得可憐，同意粉完全不合比例。冇其他配料，感覺就像乾嚥只得辣味的意粉一樣。海鮮闊條麵:原本對此甚有期望，可惜呢兜嘢越「畢」越水，話咁快就變成一pat嘢，味道一般，未至於難食，而所謂嘅海鮮只食到勁細粒嘅蝦碎。蜜糖雞肉pizza:全枱唯一可以俾個Like嘅食物。餅底薄脆，熱烘烘的，水牛芝士夠多，加上蕃茄和甜甜的雞肉，味道很不錯！New York Cheese cake:做緊Promotion，凡係會員都有個cake送，我哋唔記得帶卡，店員話我哋講底電話，check到就ok。味道嚟講其實一般，很甜，feel到落咗勁多糖同牛油。不過既然是送的就沒太多要求了。