Video
Read full review
2020-07-20
954 views
今日黎到中環既呢間Amici食fine dining。之前係中環返工既時候都有聽講過呢間餐廳，今日就趁住限聚令實施既前一日黎呢到食佢既晚餐。餐廳係士丹利街既Stanley 11，非常方便。一入到餐廳就見到店主悉心佈置過，燈光昏暗，放工之後黎chill下真係唔錯。而家餐廳有3周年活動，每個客人都會送一個養顏花膠批作為前菜。個批細細，但表層酥皮非常香脆，帶有好重既奶油味，內裡既花膠非常足料，外脆內暖，味道非常唔錯。之後我地又加＄58叫左三色蠔。三色蠔有三隻唔同食法，分別係配上海藻啫喱，三文魚子白葡萄醋同香檸香茅泡沫，由左至右食起，味道由清至濃，帶出左生蠔既鮮甜，值得一試。我同朋友各自叫左一個Dinner Set ($398 per set)，頭盤分別有牛油果虎蝦沙律同鵝肝焦糖布甸。沙律虎蝦大隻，用料十足。鵝肝煎至金香，咬落鵝肝味十足，齒頰留香，布甸味道稍清，令成個前菜唔太膩。至於餐湯就係蘑菇湯，亦係用料十足，蘑菇味濃郁，讓人一飲再飲。首先黎既主菜係香燒安格斯西冷牛扒配蕃茄黑椒汁，牛扒煎得剛好，帶有陣陣牛味，腍口唔硬，味道不俗。配菜就有蕃薯蓉，食落有重蕃薯甜味，唔錯。另一道主菜就係香煎法國鴨
一入到餐廳就見到店主悉心佈置過，燈光昏暗，放工之後黎chill下真係唔錯。
而家餐廳有3周年活動，每個客人都會送一個養顏花膠批作為前菜。個批細細，但表層酥皮非常香脆，帶有好重既奶油味，內裡既花膠非常足料，外脆內暖，味道非常唔錯。
之後我地又加＄58叫左三色蠔。三色蠔有三隻唔同食法，分別係配上海藻啫喱，三文魚子白葡萄醋同香檸香茅泡沫，由左至右食起，味道由清至濃，帶出左生蠔既鮮甜，值得一試。
我同朋友各自叫左一個Dinner Set ($398 per set)，頭盤分別有牛油果虎蝦沙律同鵝肝焦糖布甸。沙律虎蝦大隻，用料十足。
鵝肝煎至金香，咬落鵝肝味十足，齒頰留香，布甸味道稍清，令成個前菜唔太膩。
至於餐湯就係蘑菇湯，亦係用料十足，蘑菇味濃郁，讓人一飲再飲。
首先黎既主菜係香燒安格斯西冷牛扒配蕃茄黑椒汁，牛扒煎得剛好，帶有陣陣牛味，腍口唔硬，味道不俗。配菜就有蕃薯蓉，食落有重蕃薯甜味，唔錯。
另一道主菜就係香煎法國鴨胸配香橙燒汁，鴨胸煎得略嫌乾身，但仍然鴨味十足，配以燒汁，味道一流。
甜品就有焗菠蘿酥皮撻配椰子雪糕，頂層雪糕配以中層菠蘿既酸甜，底層酥皮香脆，口感豐富，令人驚喜。
Post
