峰景餐廳 (Closed)

上星期同男朋友慶祝週年，因為經過The one見到個廣告牌，有夜景睇咁吸引🌃，就決定食呢間。🙋🏻到達餐廳，準時有窗邊位坐，不過其實個窗口位真係窗口位，無特別，仲要有行鐵欄杆喺度。所以基本上坐中間反而仲好feel。🙇🏻‍♀️至於食物方面依家就做緊生蠔優惠＄18就有一隻，我哋叫咗十隻，等左差唔多20分鐘先到，食完蠔之後又等左好耐先上沙律🥗同湯🍽。去到主菜，我哋叫咗兩個set dinner,一份係西冷牛扒，另外一份係大蝦意粉🍝。而且仲叫咗個咖喱拼盤🥘。最後係食唔晒嘅😂味道方面，由於三個主菜一齊上，你食得切就已經凍哂。牛扒好出色好多汁，而且外貌亦唔錯。個大蝦意粉就麻麻哋，意粉好硬同好多油。至於個咖哩就比較特別，因為配上好多款醬汁，而且個咖喱夠辣，好正！最後埋單$1314.20 ,即係一生一世愛你。襯晒我哋慶祝周年。不過唔係講笑,我哋準時八點鐘入到去，食到差唔多10點幾先走，食咗兩個幾鐘，有一半時間都係等......