Video
Read full review
2018-02-07
1492 views
小妹近期鐘意食蠔，成日心思思想食，所以搵咗間有平蠔食既餐廳，順便慶祝週年紀念。一入餐廳被高樓底同燈光吸引，可能係平日關係，所以當晚7點只得我地呢枱客，服務都算唔錯～MENU都幾多選擇，不過比較多人揀既一定係SIX COURES DINNER, 因為有齊哂前菜、主菜、甜品同飲品前菜： 小螯蝦沙拉．魚籽醬海膽干貝．螯蝦湯個前菜真係幾別緻同豐富，望落好似細細件但每一細份既前菜都係花過心思去配搭，至少呃到LIKE先螯蝦即係龍蝦而沙拉入面既龍蝦份量都好充足，每一啖都食到龍蝦，沙拉既醬又唔會太酸，反而食到龍蝦味魚籽醬配海膽干貝～小妹對魚籽醬唔係好識如何評價，所以食哂就算啦～海膽干貝就好厚肉同新鮮螯蝦湯真係要俾10個LIKE，因為蝦味超濃之餘仲好CREAMY，真係好好飲，令我諗起馬來西亞食既GREEN HOUSE出產福建麵，個蝦味真係令人不停回味半打蠔 ＄99小妹有50%係為咗個蠔而黎架～見到＄99咁平所以一開波就叫咗半打先小妹覺得應該係即叫即開，所以感覺都幾新鮮同甜但當日既蠔就偏細，如果大隻D會開心D火焰豬手．7道風味醬 ＄248之前做RESEARCH個陣話呢款火焰豬手好正，所以當日小妹都有叫～W
MENU都幾多選擇，不過比較多人揀既一定係SIX COURES DINNER, 因為有齊哂前菜、主菜、甜品同飲品
前菜： 小螯蝦沙拉．魚籽醬海膽干貝．螯蝦湯
個前菜真係幾別緻同豐富，望落好似細細件但每一細份既前菜都係花過心思去配搭，至少呃到LIKE先
螯蝦即係龍蝦而沙拉入面既龍蝦份量都好充足，每一啖都食到龍蝦，沙拉既醬又唔會太酸，反而食到龍蝦味
魚籽醬配海膽干貝～小妹對魚籽醬唔係好識如何評價，所以食哂就算啦～海膽干貝就好厚肉同新鮮
螯蝦湯真係要俾10個LIKE，因為蝦味超濃之餘仲好CREAMY，真係好好飲，令我諗起馬來西亞食既GREEN HOUSE出產福建麵，個蝦味真係令人不停回味
半打蠔 ＄99
小妹有50%係為咗個蠔而黎架～見到＄99咁平所以一開波就叫咗半打先
小妹覺得應該係即叫即開，所以感覺都幾新鮮同甜但當日既蠔就偏細，如果大隻D會開心D
蠔
$99
18 views
1 likes
0 comments
火焰豬手．7道風味醬 ＄248
之前做RESEARCH個陣話呢款火焰豬手好正，所以當日小妹都有叫～
WOWOWOWO～上枱喇～個豬手熱辣辣而且真係有7款醬料，款款都唔同味但小妹實在唔記得有邊幾款喇～但總之款款都唔錯，仲有幾款係酸酸甜甜，同豬手都幾夾下
豬手個皮超級脆而且係一切即可，個皮可以脆同鬆化到呢個程度，小妹真係第一次食到，聽到個聲都已經好吸引。中間仲食到骨膠原既感覺而且D肉又唔會好咸，所以呢個豬手小妹俾夠100分。除咗豬手仲有酸酸地既紫椰菜做配菜，可以俾大家解解膩
提外話： 職員要整火焰一定要加少少火酒，但可能之前有客人話D火酒太濃以致成個豬手都有一陣酒味，所以今次職員好好～將D火酒只倒係豬手既尾部，有火睇之餘又唔會影響豬手既味道
火焰豬手
$248
27 views
0 likes
0 comments
冬季黑松露．水牛芝士．意大利飯＄178
有誠意之作，因為真係有黑松露片啊～仲有份量都幾多～出面好多所謂黑松露都係得D醬就話係有黑松露但當然佢又無呃你既～
呢碟意大利飯真係好香同軟硬度適中，加上黑松露真係流哂口水
甜品： 雪葩
用咗半個檸檬做既雪葩，真材真料～酸酸甜甜真係好正好開胃而且應該加咗柚子所以個味道唔會得一陣酸到死既感覺
雪葩
20 views
0 likes
0 comments
另加： 心太軟 ＄48
只能夠話呢個甜品超值，因為平時甜品舖都好少食到＄48既心太軟而且呢到除咗個心太軟同雪糕仲有特別擺碟同朱古力同布甸，所以以價錢黎講，佢係值既。
味道方面，心太軟焗得岩岩好，個心仲有流心既感覺
心太軟
$48
16 views
0 likes
0 comments
飲品 ：玫瑰荔枝蜜 ＆ 藍莓檸檬Soda
2杯飲品份量都幾大杯不過用作裝飾既燈實在太閃，閃到個眼好痛同好暈，結果小妹要拎起，之後用把刀遮住，所以建議店家唔好放長期閃既燈落飲品到，閃幾下係幾HAPPY既
總括呢間餐廳小妹俾高評價，因為食品質數的確好好而且價錢唔太貴之餘擺碟都好靚，每碟都係誠意之作～當中一定要食火焰豬手，希望下次食一樣咁好味
Post
