Video
Read full review
2017-11-15
1472 views
今晚同老公慶祝結婚一周年紀念，特登去尖沙咀食之前非常鍾意的餐廳食晚餐。餐廳還是一樣裝飾一樣咁高貴優雅。香脆餐前麵~香草味濃，焗到外脆，點少少醋及橄欖油食，一人有兩件。生蠔yellow stone ~蠔身比較大隻，食時鮮，帶有少少cream 感覺。Rollex ~蠔身比較細隻，肉質比較實及有海水味。紅菜頭沙律~ 第一啖已經食香濃的薄荷味， 材料有綠色椰菜，紅色椰菜，紅菜頭粒再加開心果碎。第一次食紅菜頭沙律，是肉質淋淋的。棒棒糖~把鵝肝醬切成小方粒，外層有士多啤梨醬包住，再在頂端加上開心果碎，裝飾有士多啤梨糖粉及士多啤梨粒。食到士多啤梨味又食到鵝肝滑溜。配搭又特別又好食，仲有少少聖誕節拆禮物的感覺。墨魚汁意大利麵配墨魚及車厘茄~ 車厘茄鮮甜煮到好淋， 選用了厚身魷魚切成條煮這意粉。意粉選用墨魚汁做成的黑萌萌一條條，但食落食煙煙軔軔，我唔鍾意煮得太淋的意粉，這個就剛剛好。仲有個蕃茄醬好食到呢，我想連碟都食落肚。面層有一些炸到香脆蒜片。香煎法國黃雞~ 肉質非常之嫩滑， 無論邊個位置用都咁嫩滑，雞肶又好食，雞胸又肉嫩，仲有香濃黑松露味，食到舐舐脷。好想知佢地點樣煮得咁好食，所以問了一下服務員，佢
今晚同老公慶祝結婚一周年紀念，特登去尖沙咀食之前非常鍾意的餐廳食晚餐。餐廳還是一樣裝飾一樣咁高貴優雅。
香脆餐前麵~香草味濃，焗到外脆，點少少醋及橄欖油食，一人有兩件。
生蠔
yellow stone ~蠔身比較大隻，食時鮮，帶有少少cream 感覺。
Rollex ~蠔身比較細隻，肉質比較實及有海水味。
紅菜頭沙律~ 第一啖已經食香濃的薄荷味， 材料有綠色椰菜，紅色椰菜，紅菜頭粒再加開心果碎。第一次食紅菜頭沙律，是肉質淋淋的。
棒棒糖~把鵝肝醬切成小方粒，外層有士多啤梨醬包住，再在頂端加上開心果碎，裝飾有士多啤梨糖粉及士多啤梨粒。食到士多啤梨味又食到鵝肝滑溜。配搭又特別又好食，仲有少少聖誕節拆禮物的感覺。
墨魚汁意大利麵配墨魚及車厘茄~ 車厘茄鮮甜煮到好淋， 選用了厚身魷魚切成條煮這意粉。意粉選用墨魚汁做成的黑萌萌一條條，但食落食煙煙軔軔，我唔鍾意煮得太淋的意粉，這個就剛剛好。仲有個蕃茄醬好食到呢，我想連碟都食落肚。面層有一些炸到香脆蒜片。
香煎法國黃雞~ 肉質非常之嫩滑， 無論邊個位置用都咁嫩滑，雞肶又好食，雞胸又肉嫩，仲有香濃黑松露味，食到舐舐脷。好想知佢地點樣煮得咁好食，所以問了一下服務員，佢地講是經過慢煮的方法，所以鎖住肉汁，再去煎香就可以了。配飾的紅蔥頭
都好好食，食時甜甜地，希望唔會太重口氣味。
home made甜品~ 朱古力粉配雲呢拿雪糕，自制雪糕又滑溜又好味。
飲品~用新鮮荔枝肉，士多啤梨肉，蘋果汁，橙汁，雪凍再打沙冰，果味香濃又好飲，顏色粉紅好靚配上一粒士多啤梨，又睇得又飲得。
Post
