醉鍋 (V Point)

Open Now

Now Closed

拍拖週年紀念今晚約咗老公去銅鑼灣食高質打邊爐。餐廳見到美麗嘅維港海景，我六點幾去到，見住維港由日頭變夜晚嘅風景，覺得真係好靚。睇住靚景食打邊爐特別寫意。餐廳有幾個賣點：第一，服務態度超級好。今時今日喺香港好難搵到咁細心嘅服務態度。跟住又會主動幫我哋影相。第二，湯底好有特色同好飲。因為第一次嚟呢度，湯底種類好多。 而餐廳職員就推介咗三款湯底花膠藥材雞湯拼黑松露雜菇湯兩個湯底超級好飲，淨係飲個湯底都好好味。好味到唔捨得放材料落去煮，怕會變味。但原來呢啲放咗食材入去煮，令食物更加好味。第三，人工新鮮包既水餃嘅同手工麵菠菜九菜豬肉餃同埋黑色既蝦蟹蛋餃餃皮同餡都係即日自製即日包，用天然調色劑。 除咗個顏色唔同，都食到本身原材料嘅味道。三色麵有菠菜，墨汁同埋紅蘿蔔嘅。最後，有特色小菜。因為知道餐廳嚟緊會轉私房菜，新大廚整左個新嘅菜式俾我地試。 竹炭豆腐嘅小菜出面係脆卜卜嘅竹炭入面有驚喜味道，非常好食同創新。 總結： 今餐嘅晚餐令我哋食得好relax同好開心。