Attic Handmade Pasta (Closed)

週年紀念日和女朋友黎，所以一早預約左。第一次試 ，侍應服務也好好，因為第一次黎侍應都介紹左一次menu。頭盤叫了 神石榴酸橘汁醃海鮮，味道剛剛好唔會太酸唔會太甜，面層有一層汁 好開胃 ，帶出晒海鮮既鮮味。 頭盤再叫左一個法式海鮮千層酥，很特别 ，一個小小既酥有青口，有蝦同好多蟹肉，食材非常新鮮。主菜叫了美國set金標和牛上肩里肉，千層甘荀。肉味很濃厚 ，5成熟剛剛好，甘荀和牛也很夾。再叫了一個法式龍蝦海鮮意大利飯，很香海鮮味，龍蝦鮮甜，每一啖都有海鮮精華既味。總括今餐好滿意，服務員態度 同環境氣氛都好好，下次紀念日都會再考慮。