Video
Read full review
2019-09-17
762 views
好彩早食lunch~walkin都有位！餐廳佈置得幾靚，走工業風，環境唔錯～而且坐位幾寬敞，坐得幾舒適。Menu係以西餐為主，有意粉、燴飯、牛排、pizza等等我地二人各叫一個lunch set~套餐跟湯或沙律+餐茶。我地揀左湯，估唔到湯都可中伏！好稀好水，完全無味！至於飲品...友人叫左呢杯凍檸茶，一睇個賣相幾有誠意，點知一飲！嘩！又係無味！走左糖咁！橄欖油蒜片鮮蝦扁意粉香草味好濃好入口，橄欖油味重但碟意粉唔太油，幾鍾意個質感！有蒜片同洋蔥調味，蝦當然係冰鮮蝦但都好食，整體唔會太鹹，好評。西班牙海鮮飯米飯幾大粒，但質感唔會好硬，可能有人覺得唔夠正宗，不過太硬我怕胃痛，所以反而幾岩我食。海鮮份量都唔少，有青口、大蝦、蜆同埋魷魚等海鮮味道超級香濃又鮮甜，幾入味～總括黎講，飲品同湯真係好奇怪，但主食係ok不過星期六日仲要加一，價錢偏貴，在附近的話可以一試吧！
餐廳佈置得幾靚，走工業風，環境唔錯～
而且坐位幾寬敞，坐得幾舒適。
Menu係以西餐為主，有意粉、燴飯、牛排、pizza等等
我地二人各叫一個lunch set~套餐跟湯或沙律+餐茶。
我地揀左湯，估唔到湯都可中伏！好稀好水，完全無味！
至於飲品...友人叫左呢杯凍檸茶，
一睇個賣相幾有誠意，點知一飲！
嘩！又係無味！走左糖咁！
橄欖油蒜片鮮蝦扁意粉
香草味好濃好入口，橄欖油味重但碟意粉唔太油，幾鍾意個質感！
有蒜片同洋蔥調味，蝦當然係冰鮮蝦但都好食，
整體唔會太鹹，好評。
西班牙海鮮飯
米飯幾大粒，但質感唔會好硬，
可能有人覺得唔夠正宗，不過太硬我怕胃痛，所以反而幾岩我食。
海鮮份量都唔少，有青口、大蝦、蜆同埋魷魚等
海鮮味道超級香濃又鮮甜，幾入味～
總括黎講，飲品同湯真係好奇怪，但主食係ok
不過星期六日仲要加一，價錢偏貴，在附近的話可以一試吧！
Post
