鳴門割烹料理 (Closed)

割烹係代表「高級料理」，最早喺江戶後期出現😌演化到今時今日，割烹最明顯嘅特徵就係以吧台及餐桌為中心嘅開放式廚房，而客人都可以一邊欣賞師傅手藝一邊享受料理😍😍而位於九龍灣嘅鳴門割烹料理，除咗還原到日本割烹神粹之外，餐廳裝修同埋周邊環境亦都別具格調🤩逢週末或者公眾假期，一邊享用住精緻嘅半自助餐料理，一邊享受住商貿區或者空中花園嘅景致，零舍悠閒寫意☺️😆進入半自助餐之前先由八款精緻主食任選一款😝今日我哋就揀咗帆立貝吞拿魚腩蓉丼同埋牛肉野菜鍋🥰未上主食就已經為每人送上一隻磯煮鮑魚，真係未出發先興奮呀😆😆😆主食方面想重點介紹下帆立貝吞拿魚腩蓉丼👅帆立貝新鮮清甜，將吞拿魚腩蓉同珍珠米混合好😝口感軟糯啖啖吞拿魚油香☺️係等緊主食嚟嘅時候，最啱就係睇住呢一個半自助餐餐牌😆事關選擇眾多花多眼亂，由海鮮刺身、即製串燒🤤去到炸物小食、壽司沙律等等，全部都一應俱全😌😌👍🏻壽司刺身擺盤精美處理認真👍🏻魚生同壽司都係由餐廳中央開放式廚房裏面嘅師傅處理，睇住師傅熟練嘅手藝🥺一邊享受住新鮮好味嘅魚生😜仲有琳琅滿目嘅日式料理任君選擇，咁多位心動不如行動啦😍😍