Video
Read full review
2019-01-22
557 views
週末黎到太古，見到芽莊有越式法包而吸引左黎。我係越南食過法包之後念念不忘，豬肝醬口感幼滑、味道濃郁嘅感覺，完全印左喺我味蕾深深嘅記憶之中揮之不去，唯有睇下香港有無地方令我回味到果份越南嘅滋味。不過鑒於我地兩個食咗豐盛嘅早餐，呢餐唯有扮細食嗌少啲。軟殼蟹米紙卷一睇樣都見到呢間米紙皮好通透，但佢又唔係浸太耐變得軟爛果種皮，保持到煙韌度，但又唔會太厚。呢間嘅軟殼蟹一流，外皮酥脆，內裡又有滿滿嘅蟹膏，蟹膏嘅香味一直停留係喉嚨椗唔散，掂！另外欣賞嘅係佢嘅青瓜粗幼適中，無刨成絲，保留多左水份，一咬落去就爆啲青瓜汁出黎，青瓜嘅清爽中和番濃味嘅軟殼蟹。記得要點埋佢配既醬汁，酸酸甜甜，又有少少蒜頭辣辣地，更加refreshing！生牛肉河河粉滑口，湯頭清澈唔油膩，但又充滿住牛肉嘅精華。牛肉唔算好滑果隻，但咬落都重牛味，而唔係牛膻味，有咬口但又唔會成口渣果款。整體不錯！越式法包法包烘得微溫，外皮酥脆，內裡都唔會乾柴咁，個包算唔錯。內餡其實都唔差，只不過比起越南，佢嘅豬肝醬味道無咁突出，總係差啲野咁。不過不失，暫時止住少少口癮先。整體芽莊都食得過嘅，食物ok，座位坐得舒服，玻璃多令光線透射入黎，鋪面光鮮令人
不過鑒於我地兩個食咗豐盛嘅早餐，呢餐唯有扮細食嗌少啲。
軟殼蟹米紙卷
28 views
0 likes
0 comments
軟殼蟹米紙卷
一睇樣都見到呢間米紙皮好通透，但佢又唔係浸太耐變得軟爛果種皮，保持到煙韌度，但又唔會太厚。呢間嘅軟殼蟹一流，外皮酥脆，內裡又有滿滿嘅蟹膏，蟹膏嘅香味一直停留係喉嚨椗唔散，掂！另外欣賞嘅係佢嘅青瓜粗幼適中，無刨成絲，保留多左水份，一咬落去就爆啲青瓜汁出黎，青瓜嘅清爽中和番濃味嘅軟殼蟹。記得要點埋佢配既醬汁，酸酸甜甜，又有少少蒜頭辣辣地，更加refreshing！
生牛肉河
34 views
0 likes
0 comments
生牛肉河
河粉滑口，湯頭清澈唔油膩，但又充滿住牛肉嘅精華。牛肉唔算好滑果隻，但咬落都重牛味，而唔係牛膻味，有咬口但又唔會成口渣果款。整體不錯！
越南法包
36 views
0 likes
0 comments
越式法包
法包烘得微溫，外皮酥脆，內裡都唔會乾柴咁，個包算唔錯。內餡其實都唔差，只不過比起越南，佢嘅豬肝醬味道無咁突出，總係差啲野咁。不過不失，暫時止住少少口癮先。
整體芽莊都食得過嘅，食物ok，座位坐得舒服，玻璃多令光線透射入黎，鋪面光鮮令人好有精神，啱哂週末唔想去遠但又想搵個舒服嘅地方食餐飯放鬆下。
Post
