Video
Read full review
2023-05-09
916 views
好耐冇去九龍灣食飯，朋友介紹就嚟試試呢個週末半自助餐，好彩朋友提醒我預早book位，果然12點到已經差唔多full house。呢個任飲任食半自助餐限時90分鐘$268，自助餐唔使自己出去攞，係寫紙點嘅👍自助餐種類都算幾多，有小食、炸物、沙律、壽司、刺身同燒物。我每樣都只係點咗幾款，要留肚食主食😅「小食」- 日式蒸蛋、麵豉湯、中華沙律、迷你牛肉湯烏冬蒸蛋好滑好蛋味，迷你牛肉湯烏冬烏冬好滑，牛肉份量好多。「沙律」- 胡麻豆腐沙律、角切魚生沙律沙律菜新鮮，特別鍾意魚生沙律個沙律汁，好開胃😋「刺身」- 三文魚、油甘魚、帆立貝、赤蝦全部即點即切，新鮮又肥美😋「壽司」- 劍魚腩、加州卷、鰻魚卷、火炙三文魚卷、吉列蝦沙律卷店內有刺身壽司吧，係手握壽司，壽司飯夠軟熟但又唔鬆散，有質素👍👍「炸物」- 吉列蠔、芝士年糕即點即炸，熱辣辣，特別鍾意炸芝士年糕，好味😋「主食」係7揀1，我哋就叫咗網燒安格斯牛扒同埋牛肉野菜鍋。網銷安格斯牛扒點咗五成熟，好腍好牛味，個燒汁唔錯。牛肉野菜鍋都唔錯，湯底唔算太濃唔太膩太滯👍雖然好飽，忍唔住再點咗個「燒物」燒羊扒，肉好腍，好香😋「飲品」都有幾多選擇，有乳酸特飲，汽水、橙
呢個任飲任食半自助餐限時90分鐘$268，自助餐唔使自己出去攞，係寫紙點嘅👍
自助餐種類都算幾多，有小食、炸物、沙律、壽司、刺身同燒物。我每樣都只係點咗幾款，要留肚食主食😅
「小食」- 日式蒸蛋、麵豉湯、中華沙律、迷你牛肉湯烏冬
蒸蛋好滑好蛋味，迷你牛肉湯烏冬烏冬好滑，牛肉份量好多。
「沙律」- 胡麻豆腐沙律、角切魚生沙律
沙律菜新鮮，特別鍾意魚生沙律個沙律汁，好開胃😋
「刺身」- 三文魚、油甘魚、帆立貝、赤蝦
全部即點即切，新鮮又肥美😋
「壽司」- 劍魚腩、加州卷、鰻魚卷、火炙三文魚卷、吉列蝦沙律卷
店內有刺身壽司吧，係手握壽司，壽司飯夠軟熟但又唔鬆散，有質素👍👍
「炸物」- 吉列蠔、芝士年糕
即點即炸，熱辣辣，特別鍾意炸芝士年糕，好味😋
「主食」係7揀1，我哋就叫咗網燒安格斯牛扒同埋牛肉野菜鍋。網銷安格斯牛扒點咗五成熟，好腍好牛味，個燒汁唔錯。牛肉野菜鍋都唔錯，湯底唔算太濃唔太膩太滯👍
雖然好飽，忍唔住再點咗個「燒物」燒羊扒，肉好腍，好香😋
「飲品」都有幾多選擇，有乳酸特飲，汽水、橙汁、啤酒。
總括，勁飽，尤其刺身壽司十分高質，侍應雖然超忙但係都十分好禮貌，性價比高💯
原來有樂悠咭$238，長者咭$188同小童$148，下次要同屋企一家大細嚟，仲抵😉
Post
