Video
Read full review
2015-05-27
1641 views
住黃大仙同鑽石山附近既朋友，成日都話去富豪飲茶，我都覺得奇怪點解會去酒店飲茶咁High Class! 趁住上星期六放假，我都同屋企人一齊去左食個Lunch試下，因為我去富豪東方酒店都唔遠，係酒店對面落車行5分鐘就到，真係幾方便!話哂都係黎飲茶，當然要試下呢度既點心，蝦餃燒賣一定唔少得! 聽講呢度個燒賣拎左旅發局頒既美食之最大賞「點心組」獎項，所以我地一於都點返一籠!富豪坊蝦餃皇 — 確係唔錯! 入面d蝦好多個皮又薄，食落去好有蝦既鮮甜味!加上入面唔放筍~本人就最鐘意，啖啖蝦肉!瑤柱櫻花蝦燒賣 — 必食!!! 不過激死，未影相就已經比屋企人夾走左2粒! 只可以影得咁多，不過呢個燒賣真係抵佢拎獎，用櫻花蝦代替蟹籽，好香好鮮味，同d豬肉好夾! 值得一讚!香煎魚茸韮菜角 — 味道一般，佢個皮連同芝麻係面都煎得香口既，不過個餡又無咩特別，普普通通啦!XO醬帶子蝦仁炒腸粉 — 呢度個XO醬係有得賣架! 個味道都好香，辣味適中，唔係好食得辣既人都啱食，加上配埋蝦、帶子一齊食，味道仲好! 不過佢d料唔係好多，如果可以再多d蝦同帶子就好喇!燒味拼盤 — 好好味! 店員話呢度個叉燒係用新鮮豬自己整既，所以
話哂都係黎飲茶，當然要試下呢度既點心，蝦餃燒賣一定唔少得! 聽講呢度個燒賣拎左旅發局頒既美食之最大賞「點心組」獎項，所以我地一於都點返一籠!
富豪坊蝦餃皇 — 確係唔錯! 入面d蝦好多個皮又薄，食落去好有蝦既鮮甜味!加上入面唔放筍~本人就最鐘意，啖啖蝦肉!
瑤柱櫻花蝦燒賣 — 必食!!! 不過激死，未影相就已經比屋企人夾走左2粒! 只可以影得咁多，不過呢個燒賣真係抵佢拎獎，用櫻花蝦代替蟹籽，好香好鮮味，同d豬肉好夾! 值得一讚!
香煎魚茸韮菜角 — 味道一般，佢個皮連同芝麻係面都煎得香口既，不過個餡又無咩特別，普普通通啦!
XO醬帶子蝦仁炒腸粉 — 呢度個XO醬係有得賣架! 個味道都好香，辣味適中，唔係好食得辣既人都啱食，加上配埋蝦、帶子一齊食，味道仲好! 不過佢d料唔係好多，如果可以再多d蝦同帶子就好喇!
燒味拼盤 — 好好味! 店員話呢度個叉燒係用新鮮豬自己整既，所以入口好嫩滑，肥瘦適中，仲有好香甜既蜜味，真係食到停唔到口! 而海蜇頭同豉油雞都醃得入味，不過味道同其他酒樓整個d無咩分別，整體拼盤都ok!
七味魷魚鬚 — 誠意推介!!!!唔好講笑，呢個外表好普通既魷魚鬚，真係超好味，佢個皮好薄，唔似出面食個d咁厚既炸粉，而且味道好香好惹味，魷魚質地又唔 ‘un’, 真係必食推介!!出面真係無咁既質素! 正!!不過價錢方面，話哂都係酒店，點都係比出入貴少少，不過都可以接受! 一次半次輕鬆下就唔緊要啦!
Post
