Video
Read full review
2022-11-01
332 views
轉眼一星期，週末可以同朋友們坐埋一齊食個Brunch，於我而言已是很好的節目。才想起好久沒有入大坑搵食，有人便提議前來大坑的這家Porkcentric，正中下懷。店名叫得做Porkcentric，當然就是主打食豬，食肉獸既我表示期待。甫進店，眼球便被頭頂的三個金黃酒桶吸引著，呢三個並不是純裝飾，而是切切實實放滿啤酒的真。酒桶！許多朋友吃Brunch都係為左free flow，既然酒桶都放係頭頂，呢度自然有啦！兩個鐘，飲個夠。以Cold Cut作開端，是最正路的選擇，送酒一流。波蘭餃子Polish Pierogies，孤陋寡聞既筆者是首次品嚐。煙韌的外皮，內含濃郁的芝士及洋蔥等，好味，但幾漏，配些酸忌廉來平衡下，是非常之好既安排。之後的多士，火腿咸香，雞蛋炒得嫩滑，本已好吃，再整一大撮海膽係面，點會唔受大眾歡迎?兩隻燶邊太陽蛋，做足本份；一孖豬肉腸，味道濃郁。加埋旁邊被我吃得一條不剩的薯條，美味不花巧。一向食得健康的朋友，叫左碟烤什菜，但這碟菜絕不簡單。顏色配搭花過心思，長柄西蘭花、露筍、紫洋蔥及薯仔等，全部烤得精彩，尤其喜歡西蘭花，香口好吃。甜品環節，如果你喜歡食肉桂的話，這款Appl
轉眼一星期，週末可以同朋友們坐埋一齊食個Brunch，於我而言已是很好的節目。才想起好久沒有入大坑搵食，有人便提議前來大坑的這家Porkcentric，正中下懷。
店名叫得做Porkcentric，當然就是主打食豬，食肉獸既我表示期待。
甫進店，眼球便被頭頂的三個金黃酒桶吸引著，呢三個並不是純裝飾，而是切切實實放滿啤酒的真。酒桶！許多朋友吃Brunch都係為左free flow，既然酒桶都放係頭頂，呢度自然有啦！兩個鐘，飲個夠。
以Cold Cut作開端，是最正路的選擇，送酒一流。
波蘭餃子Polish Pierogies，孤陋寡聞既筆者是首次品嚐。煙韌的外皮，內含濃郁的芝士及洋蔥等，好味，但幾漏，配些酸忌廉來平衡下，是非常之好既安排。
之後的多士，火腿咸香，雞蛋炒得嫩滑，本已好吃，再整一大撮海膽係面，點會唔受大眾歡迎?兩隻燶邊太陽蛋，做足本份；一孖豬肉腸，味道濃郁。加埋旁邊被我吃得一條不剩的薯條，美味不花巧。
一向食得健康的朋友，叫左碟烤什菜，但這碟菜絕不簡單。顏色配搭花過心思，長柄西蘭花、露筍、紫洋蔥及薯仔等，全部烤得精彩，尤其喜歡西蘭花，香口好吃。
甜品環節，如果你喜歡食肉桂的話，這款Apple Cake大概會合你心意。
最後食埋個德國風味既班戟，滿足！滿足！下星期又去邊度食Brunch好呢？
Post
