Video
Read full review
2009-05-25
15 views
太古城嘅食肆都比我地掃得七七八八，上網搜索吓太古坊會唔會有地方可去，結果搵到原來附近都有Grappa's, PP嗰間嘅姐妹店，叫Grappa's Millennio。只係星期六夜晚七點幾，隔離左右雖然有擺枱櫈出路中，但係都係得幾枱客，呢間亦唔例外，佢地嘅落地玻璃，一望入去都係得幾枱客。如果以Grappa's嚟講，呢間嘅裝潢係最靚，入到去，即刻有位叔叔侍應嚟帶位，比咗一張四人卡位我兩，空間非常寬闊，近牆另有大量空間比你擺嘢，而且喺枱面唔係舖上一張枱布，而係喺長方型枱嘅中間 (短距離嘅中間位) 放上一塊幼身枱布，其實作用真的不大，只係裝飾而已。入正題，飲品方面，某啲酒類，好似紅、白酒喺八點前係有happy hours，一杯白酒正價要$50, 八點前只需$26，幾抵飲。1. Chardonnay, Terre di Chieti I.G.T. Caldora - 例牌非常fruity。2. Cappuccino - 我只係叫個Regular$32，如果加多$6仲有Large Size，再叫埋嘢食嘅話， 呢杯咖啡仲可以免費添飲 ; 不過話說回來，抵又點，食物最緊要係咩，咪係質素，佢嘅cream
只係星期六夜晚七點幾，隔離左右雖然有擺枱櫈出路中，但係都係得幾枱客，呢間亦唔例外，佢地嘅落地玻璃，一望入去都係得幾枱客。如果以Grappa's嚟講，呢間嘅裝潢係最靚，入到去，即刻有位叔叔侍應嚟帶位，比咗一張四人卡位我兩，空間非常寬闊，近牆另有大量空間比你擺嘢，而且喺枱面唔係舖上一張枱布，而係喺長方型枱嘅中間 (短距離嘅中間位) 放上一塊幼身枱布，其實作用真的不大，只係裝飾而已。
入正題，飲品方面，某啲酒類，好似紅、白酒喺八點前係有happy hours，一杯白酒正價要$50, 八點前只需$26，幾抵飲。
1. Chardonnay, Terre di Chieti I.G.T. Caldora - 例牌非常fruity。
2. Cappuccino - 我只係叫個Regular$32，如果加多$6仲有Large Size，再叫埋嘢食嘅話， 呢杯咖啡仲可以免費添飲 ; 不過話說回來，抵又點，食物最緊要係咩，咪係質素，佢嘅cream打得唔夠靚，攪幾攪就唔見哂，味道亦都唔夠濃，唔夠意大利嘅香濃feel。
3. Assorted Bread - 真係細得可憐，不過夠軟身，一舊white，一舊brown，橄欖油同黑醋就唔夠香。
4. BRUSCHETTA Toasted country bread with vine ripened tomatoes, garlic, basil, and olive oil - 麵包非常香脆，蕃茄多水鮮甜，加埋香草，甘香嘅橄欖油，味道就好好，但係美中不足係蕃茄切得太大粒，食起上嚟比較狼狽，如果切細粒啲應該口感會更好。
5. INSALATA di SPINACI Fresh spinach, crispy pancetta bacon, mushrooms, grated egg and pine nuts with Grappa's warm herb dressing - 餐牌中見有某些salad會有half-porton供應，雖然我地呢個冇 ; 菠菜葉新鮮軟身，同平時食開沙律爽脆嘅感覺好唔同，加埋細細香脆嘅煙肉碎，白菌，不過碎蛋就真係過碎，食完都唔覺佢存在，而且呢個所謂warm herb dressing，我就應覺唔到味道，可能係比較淡嘅關係，不過呢過沙律好處在你唔會發現有草青味，呢點值得一讚。
6. PIZZA MILLENNIO New age fusion of Pepperoni, green olives, potato slices and capers. An explosive treat - 真係有名你睇，用招牌名，menu入面仲要有粒星，果然係有返咁上下 ; 芝士味極濃，又軟又香，蕃茄醬唔太多，雖然冇咁意大利feel，但係我就比較喜歡這樣嘅調較，配料真係唔需要多，簡簡單單有Pepperoni、芝士、蕃茄醬，最特別係佢加有我平時唔食嘅橄欖，但係今次佢用嘅呢隻鹹鹹地又同其他配料幾夾，仲要Pizza好少見嘅薯仔片，有粉有軟身 ; 總括嚟講，簡單就是美。
Comments: 不過今晚食得太飽了，如果唔係，一定配埋佢地嘅signature dessert - Tiramisu，佢地仲喺個menu入面寫埋呢道甜品嘅解釋，真係幾得意架，下次有機會重遊舊地真係要試試先。
Post
