祥香茶餐廳 (Closed)

週末去到堅尼地城搵好嘢食，來到祥香茶餐廳，見到好多食客都食緊蛋撻同飲緊奶茶,於是我都跟住佢哋點了蛋撻同埋茶走。原來蛋撻一隻只係四個半咋，忍唔住叫咗兩隻，性價比超高。蛋撻的皮係我自己最喜愛嘅牛油皮，好香牛油味，而裏便嘅蛋漿唔算好甜，味道適中。至於茶走茶味香濃，煉奶嘅配搭簡直就係將個味道提升，口感香滑。今日嘅美食實在令週末生色不少。留意番因為一來坐低食係有最低消費嘅咁所以如果真係淨係想食蛋撻嘅就要外賣啦。