Food Garden ETC (Closed)

去D2 Place當然要行市集，今日就順便來試試朋友推介嘅Food Garden，星期日有Brunch Menu，已包沙律或餐湯及鮮果冰茶。首先讚讚服務先，一入餐廳，店員就安排我們坐一張4人檯，上菜同收碟速度都好快，而且好有禮貌，環境舒適唔洗講，餐具🍽️用品都好乾淨同專業。田園沙律🥗及雜菜湯沙律菜、番茄仔、青瓜片、芒果肉都好新鮮，另外有一件魔芋增加飽肚感，配上自家調製的醬汁，好清新！水煮蛋配牛油多士🥚🥪水煮蛋時間控制的剛剛好，流心蛋黃沾滿牛油果🥑及黑麥多士，我最愛嘅味道！😋😋加拿大豬鞍架配芒果莎莎醬慢煮豬鞍切開仲見到嫩滑嘅淺粉色，咬落一點都唔鞋，仲要係厚切都做到咁嘅效果，有驚喜！蒜香龍蝦意粉🦞🍝新鮮龍蝦肉質鮮甜，成隻蟹鉗啖啖肉，意粉軟硬度適中，帶點淡淡蒜香，唔會搶咗龍蝦嘅鮮味。焦糖燉蛋🍮燉蛋質地好棉滑，唔會太甜，配上上面一塊香脆焦糖，甜度剛剛好，yummy！