Video
Read full review
2023-01-15
118 views
數月前，將移英的朋友說要吃秋刀魚，二話不說帶佢哋去Ozakaya，吃過痛快！秋刀一刻值千金，當晚大家開懷盡興，至今他們人在英仍屢說回味，筆者亦對此地留下良好印象。所以當得知最近Ozakaya推出左Weekend Brunch，我即狗衝去大快朵頤。早午餐收費$498，加多$190可以飲到你天昏地暗，唔飲酒既喝橙汁、汽水都得。小食款式眾多，而且是任砌，枝豆、刺身、壽司卷、雞翼、唐揚炸雞、番茄、薯仔沙律及粟米等一應俱全，單係吃小食已夠精彩。全部都交到功課，但有兩款就要大力推介，唐揚炸雞外層以日本米果包裹著再炸，吃起來脆卜卜，雞肉保持嫩滑Juicy，本身已經好好食，沾上黑糖漿又是另一番風味。雖然大大粒幾飽肚，不過吃一件真不夠喉。另一樣必食推介就係粟米，即叫即整，熱度足，結合味噌牛油同埋七味粉，比我上次來吃時有大躍進，我哋追加完又追加，最終唔知食左幾多客才收手。食少少清甜多汁的番茄清清味蕾，作好準備去食主菜。是日夠疊馬，可以試到多份主食，皮香肉爽的阿波美雞，放在山菜及白雞湯之上，不失為好選擇。西京燒銀鱈魚係我揀既，呢味其實都好穩陣，魚肉嫩而充滿脂香是預期之中，醮上蜜糖芥末又幾特別幾夾。食得肥既朋
秋刀一刻值千金，當晚大家開懷盡興，至今他們人在英仍屢說回味，筆者亦對此地留下良好印象。
所以當得知最近Ozakaya推出左Weekend Brunch，我即狗衝去大快朵頤。
早午餐收費$498，加多$190可以飲到你天昏地暗，唔飲酒既喝橙汁、汽水都得。
小食款式眾多，而且是任砌，枝豆、刺身、壽司卷、雞翼、唐揚炸雞、番茄、薯仔沙律及粟米等一應俱全，單係吃小食已夠精彩。
全部都交到功課，但有兩款就要大力推介，唐揚炸雞外層以日本米果包裹著再炸，吃起來脆卜卜，雞肉保持嫩滑Juicy，本身已經好好食，沾上黑糖漿又是另一番風味。雖然大大粒幾飽肚，不過吃一件真不夠喉。
另一樣必食推介就係粟米，即叫即整，熱度足，結合味噌牛油同埋七味粉，比我上次來吃時有大躍進，我哋追加完又追加，最終唔知食左幾多客才收手。
食少少清甜多汁的番茄清清味蕾，作好準備去食主菜。
是日夠疊馬，可以試到多份主食，皮香肉爽的阿波美雞，放在山菜及白雞湯之上，不失為好選擇。
西京燒銀鱈魚係我揀既，呢味其實都好穩陣，魚肉嫩而充滿脂香是預期之中，醮上蜜糖芥末又幾特別幾夾。
食得肥既朋友，可以點北海道白金豬腩，你會好滿足。
和牛西冷要另加兩舊水，但當睇見那嫩紅既顏色，你就知道是抵俾的。
仲有一款我覺得好正既，係油甘魚鲛，肉質有彈性，油份及膠質重，而且弄得香口惹味，是啖啖肉以外的尚佳選擇。
甜品除左甜美既日本密瓜外，仲有北海道奶脆牛奶雪糕，以及心太軟。
其中心太軟係抹茶朱古力口味，切開之後，流出的是抹茶溶岩，不過整體都是以朱古力味為主導，係唔錯既結尾。假日悠悠閒來嘆個日式既Brunch，都幾好丫！
Post
