Video
Read full review
2018-09-26
270 views
好友喺沙田石門返工，星期六上午仲要返工，所以就好友放工直接喺嗰頭飲茶。我比較早到，咁就先上酒樓攞左飛先，不過都唔需要等好耐就已經可以入坐。我地見到其中有張點心紙寫住榮譽金獎點心，我地就選左兩個得獎點心。黃金流沙包，不愧為得獎點心，真心值得推介。入面流沙餡好滑好CREAMY，甜度適中。芝心海皇千絲春卷 用上一條條如髮絲嘅麵條絲包成，入口非常香脆。煎芋頭糕足料，芋頭味香濃，質感挺實，唔會靠溝粉，煎得都好香口。雞扎我無食，不過齋睇嗰賣相都唔差。鯪魚肉煎釀虎皮椒煎得夠熱夠香，尤其係鯪魚肉果一邊，泛起金黃色而有點脆口，入口熱騰騰，鯪魚肉彈牙有鯪魚香，虎皮椒爽口，吃起來唔會太辣。椒鹽龍鬚炸得好脆，又唔會覺得油膩，食唔停口。蝦餃皇嘅皮做到薄身，中間嘅蝦肉鮮美爽彈好新鮮。四個人，埋單都只係三百頭，人均消費一舊水都唔洗，位置都頗鬆動，坐得都舒服，眞係週末有口福。
我比較早到，咁就先上酒樓攞左飛先，不過都唔需要等好耐就已經可以入坐。
我地見到其中有張點心紙寫住榮譽金獎點心，我地就選左兩個得獎點心。
黃金流沙包，不愧為得獎點心，真心值得推介。入面流沙餡好滑好CREAMY，甜度適中。
芝心海皇千絲春卷 用上一條條如髮絲嘅麵條絲包成，入口非常香脆。
煎芋頭糕足料，芋頭味香濃，質感挺實，唔會靠溝粉，煎得都好香口。
雞扎我無食，不過齋睇嗰賣相都唔差。
鯪魚肉煎釀虎皮椒煎得夠熱夠香，尤其係鯪魚肉果一邊，泛起金黃色而有點脆口，入口熱騰騰，鯪魚肉彈牙有鯪魚香，虎皮椒爽口，吃起來唔會太辣。
椒鹽龍鬚炸得好脆，又唔會覺得油膩，食唔停口。
蝦餃皇嘅皮做到薄身，中間嘅蝦肉鮮美爽彈好新鮮。四個人，埋單都只係三百頭，人均消費一舊水都唔洗，位置都頗鬆動，坐得都舒服，眞係週末有口福。
Post
