Video
Read full review
2021-12-13
800 views
好味指數😋😋😋回頭指數 ⭐️⭐️⭐️開心指數🤗🤗🤗🤗爸爸媽媽生日，家姐揀咗呢間響將軍澳嘅窩夫餐廳食週末 brunch！呢一區起咗好多新樓，有好多新餐廳，我自己就好少嚟呢一區，今日嚟到發現呢度同啟德有D似，其實冇家姐約咗響港鐵站一齊行去的話，應該會搵勁耐都搵唔到間餐廳響邊😅Brunch set 有兩種選擇，$198 有一個主菜 + 前菜 / 甜品 + 餐茶，或者$238 前菜 + 主菜 + 甜品 + 餐茶，我哋揀咗$198，叫咗兩個前菜同兩款甜品！前菜選擇比較少，得兩款沙律，主菜有9款，甜品有3款！🍴烤虎蝦配紅酒蘋果及柚子藜麥因為另外一款係Caesar Salad，我哋就叫咗兩個虎蝦，嚟到見到好精緻，有兩隻虎蝦，蝦燒得好香，肉質爽口，紅酒蘋果酸酸甜甜，口感似梨多過似蘋果，柚子汁嘅沙律好清新開胃，好味～🍴”蟹”逅窩夫水牛、車打、帕爾馬芝士焗蟹肉加小龍蝦，下面配香草窩夫，芝士味好香，都見到有絲絲海鮮肉，雖然蟹肉同小龍蝦肉已經融合咗，分唔到係蟹肉定係小龍蝦，但食到有鮮甜味，蟹肉味係比較出嘅，同香草窩夫好夾，呢款係好味嘅～🍴炸雞窩夫鹹窩夫上面有兩大件炸雞，炸雞個皮好香脆，炸皮上面有香料而皮都唔太厚，雞
回頭指數 ⭐️⭐️⭐️
開心指數🤗🤗🤗🤗
爸爸媽媽生日，家姐揀咗呢間響將軍澳嘅窩夫餐廳食週末 brunch！呢一區起咗好多新樓，有好多新餐廳，我自己就好少嚟呢一區，今日嚟到發現呢度同啟德有D似，其實冇家姐約咗響港鐵站一齊行去的話，應該會搵勁耐都搵唔到間餐廳響邊😅
Brunch set 有兩種選擇，$198 有一個主菜 + 前菜 / 甜品 + 餐茶，或者$238 前菜 + 主菜 + 甜品 + 餐茶，我哋揀咗$198，叫咗兩個前菜同兩款甜品！前菜選擇比較少，得兩款沙律，主菜有9款，甜品有3款！
🍴烤虎蝦配紅酒蘋果及柚子藜麥
因為另外一款係Caesar Salad，我哋就叫咗兩個虎蝦，嚟到見到好精緻，有兩隻虎蝦，蝦燒得好香，肉質爽口，紅酒蘋果酸酸甜甜，口感似梨多過似蘋果，柚子汁嘅沙律好清新開胃，好味～
烤虎蝦配紅酒蘋果及柚子藜麥
16 views
1 likes
0 comments
🍴”蟹”逅窩夫
水牛、車打、帕爾馬芝士焗蟹肉加小龍蝦，下面配香草窩夫，芝士味好香，都見到有絲絲海鮮肉，雖然蟹肉同小龍蝦肉已經融合咗，分唔到係蟹肉定係小龍蝦，但食到有鮮甜味，蟹肉味係比較出嘅，同香草窩夫好夾，呢款係好味嘅～
”蟹”逅窩夫
14 views
0 likes
0 comments
🍴炸雞窩夫
鹹窩夫上面有兩大件炸雞，炸雞個皮好香脆，炸皮上面有香料而皮都唔太厚，雞肉入味又juicy，配他他醬、蜂蜜芥末醬、藍芝士醬，我覺得頭兩款醬都幾好味，呢個菜感覺有少少炸雞有炸雞食，窩夫有窩夫食嘅狀況，似 sides 唔似夾埋食咁，炸雞同窩夫分別地都好食嘅！但係呢… 藍芝士醬個樣就唔太討好，唔覺creamy，醬汁睇落有少少分離（似我睇煮食比賽節目中煮失敗咗嘅醬汁狀態），anyways，我唔知佢個醬汁原意係咁，定係點啦，總之見到起粒嘅藍芝士撈唔埋嘅醬汁樣啦！
炸雞窩夫
21 views
0 likes
0 comments
🍴牛皇窩夫漢堡
呢個賣相好得意，因為將漢堡嘅包變成咗窩夫，中間有洋蔥、菇、番茄、酸瓜、生菜、芝士（我不斷思考其實有冇，我都唔肯定，因為唔似一般嘅漢堡有大大塊溶咗嘅芝士🙈），漢堡扒有D失望，冇咩肉味之餘亦都冇咩調味，亦都有D嚡口，唔太juicy！都幾失望嘅😞
牛皇窩夫漢堡
11 views
0 likes
0 comments
🍴紐西蘭肉眼扒
呢個我覺得有D 神奇，店員冇問幾成熟，嚟到切開似Medium Well，不過肉眼扒冇咩肉味，亦都有D 韌同嚡口，呢個唔好食😔
紐西蘭肉眼扒
13 views
0 likes
0 comments
到咗甜品時間，我哋揀咗兩款窩夫，可以揀 Cappuccino 或者 berries 雪糕，店員先換咗share plate 同餐具！因為爸爸媽媽生日，特地請餐廳幫我哋寫字，亦都有蠟燭插咗響雪糕上面！
🍴香蕉窩夫
呢款我哋揀咗 cappuccino 雪糕，窩夫好香脆鬆化，香蕉面有一層薄薄焦糖，cappuccino 雪糕好滑好香，咖啡同奶味比例啱啱好，成個combination 好夾好好味！
香蕉窩夫
19 views
0 likes
0 comments
🍴肉桂蘋果窩夫
呢款我哋揀咗 berries 雪糕，上面有一小片士多啤梨，肉桂蘋果細細粒，夾埋窩夫唔錯！Berries 雪糕少少酸甜，berries 味好突出，反而就咁食或者同窩夫食就好好味好夾，同肉桂蘋果就冇咁夾，兩者會互相爭味咁！
肉桂蘋果窩夫
16 views
0 likes
0 comments
🍴Americano
選豆一般，唔太好飲！
整體上呢度嘅窩夫甜品係好好味，兩款窩夫主菜都唔錯，牛類食品有D失望，服務都有少少參差，中東外藉店員好nice 好有禮貌亦都好熱情，有D 店員就有少少發呆唔太熟悉D嘢咁，但都好有禮貌，需要多少少 training，時間越晏越多人嘅時候，有少少應接不暇咁！窗邊嘅設計都幾舒服，係打卡位，今日可能太曬嘅關係，窗口都落咗窗簾冇咁可以 feel 到戶外氣氛，不過如果兩個人坐，有兩碟 main course 張檯會有D細，可能比較啱飲嘢或者食下甜品咁；另外餐廳都有少量戶外位，我都見到有食客有帶埋寵物嚟食嘢！整體上坐得好舒服，食咗一個開心嘅 brunch！
Post
