Achacha Food & Beverage Boutique (Closed)

九龍灣對於我同男朋友來講係一個危險嘅地方，因為嗰度有好多運動用品減價，成日令我哋大出血。臨近新年我哋知道又到減價嘅時候啦，所以今日專程黎到MegaBox行街買嘢之餘就梗係要醫下肚啦😏Achacha係5樓，吉之島個層一上長電梯就到，open area同bar table嘅設計令人覺得更悠閒寫意☕️下午茶都晤敢食太飽，所以我哋叫野食都晤敢眼闊肚窄👨🏼‍🍳三文魚菠菜車打芝士法式薄餅。第一次食法式薄餅，台灣早餐店蛋餅有蛋香但總覺得好油膩，相反法式版就煎得香口好吃，又不油膩，芝士添了點芝味又不over，菠菜加上鹹香的煙三文魚，旁邊紫薯亦都為成味菜更加提升，令整體鹹甜交融🥰大愛！全日早餐一上枱已經比我捉住佢瘋狂拍照，賣相colorful，配合星期日放假嘅心情，好refresh💕除咗有比較常見嘅炒蛋、蕃茄等配菜之外，仲有比較少見嘅黑血腸同白燕麥腸，烘過嘅多士微暖焦脆，夾住火腿煙肉一齊食，好有外國街頭嘆brunch嘅情懷😎配上一杯入口Creamy幼滑嘅咖啡，不失為周末chill out 的好選擇。