品川雞煲 (Closed)

唔知幾時開始興雞煲, 好似都興左好耐下, 因為成日見人係facebook post相, 但我真係無試過, 亦無特別諗過去食, 但今次朋友叫到, 就正好俾左個理由我去試下所謂既雞煲到底係咩料子。咁其實雞煲尼一樣野係我本身係應為好似食大排檔咁係無服務既, 但原來入到去又唔係WOR, D店員真係有服務嫁WOR, 雖然平心而論就無話真係好好, 但有就已經令我覺得好好。由於兩個男人去食, 所以係咁依叫左個奇味雞煲就算, 除左奇味雞煲重有麻辣雞煲既, 但我真係唔係好食得辣。由於好奇既關係, 我係咁問店員應該點食同有咩唔同, 咁佢都好有耐性咁答我, 真係要加分, 雖然可能只係因為我靚仔。個雞煲一上, 我見佢有好多洋蔥丫, 芫茜丫, 我心諗今次真係重口味, 點知一食, 其實又唔覺有咩。但隨住愈煲愈入味, 再加上我地係咁落野, D汁開始濃甚至傑傑地, 但濃之餘又唔會覺得入唔到口。