KOI Thé (Closed)

KOI係香港既分店唔算多，計埋寶琳新開既呢間，係佢第四間分店。KOI一向開於鬧市之中，都係地鋪，今次竟走入將軍澳，開係商場內😳貫徹KOI一向的風格，店面都係以黑白色為主調。設計簡約，不花巧。由於開係商場內，人流都一定不會少，下午6點時，雖接近晚餐，但仍有10幾人係度排隊買野飲。但新店內人手分顯不足，只有三個店員，一個負責收錢同叫飛，一個主力沖野飲，另一個係裡面備茶，所以等候時間有啲耐，排隊買時用左10分鐘，等野飲又用左10分鐘......同其他分店最大的分別在於，呢間係提供左座位，台式飲品都可以好似cafe/starbucks咁，坐低一邊飲，一邊同朋友傾計😗 當然KOI的價錢更相宜～黃金珍奶 $23🥤 （中）黃金珍奶一向係KOI的招牌飲品，佢用既並非傳統黑色珍珠，而是自家製既手作珍珠。因為顏色呈橙色，所以改名為黃金🤩。雖然我叫左半糖少甜，但甜度明顯比預期甜了不少。奶茶尚算幼滑，珍珠偏細粒，但非常煙韌，有咬口。經過開的朋友，不妨一試👀。