Fiata Pizza

Open Now

Now Closed

佢地點喺中環，以為好高檔，點知入到去，叫我哋上閣樓，閣樓仲要坐咗超多人，雖然樓下既員工好笑容同你打招呼同拜，但都唔會加分，我主要睇食物質素。呢到每一張枱都超級迫，枱同枱中間攝入去，你係驚會整冧人哋杯水。同埋佢超級焗，啲聲焗到好似去左街市（街市都闊過佢）我哋嗱嗱聲食完就走，加上佢限入座時間1個鐘，我哋遲左少少去，得番9個字。打開個Menu ，無中文又無英文，得啲法文，有啲啲估到，想睇深入啲除左pizza仲有咩好order，我地就黑蚊蚊開google translate 睇，睇完都唔知係乜之後叫左個Parma ham pizza，唔好食。佢得個皮好食，偏un，唔係脆身嗰隻，但係食到勁趕，驚唔消化。Parma ham + 一細啖sour cream喺面，nothing special at all！同埋可唔可以唔好咁慳，二百幾蚊，又咁細嘅Pizza，就俾多少少料啦總括: 「又貴又細，又唔係話好食」