海 (Closed)

尋晚打電話去book位，話要去落$1888訂，今日就安排公司姐姐攞現金去落訂，門口嘅職員突然話要落$4000訂，跟住喺電話同佢對話，問尋晚明明係講落1888訂金，我剩係俾咗兩千蚊姐姐去落訂......預約時間嗰位阿姨離奇嘅惡劣態度，反怪責我誤會咗佢嘅意思，然後一輪電話嘅挑機，收線之後，同我公司姐姐講...我唔得閒理你地，跟住走咗去連錢都唔收，咁樣嘅服務態度，祝願你哋生意能夠持續興隆。老實說，食餐飯飲埋酒，都唔會預咗係只係用$4000食餐飯。既然門口落Booking嗰位阿姨睇唔起我呢位食客，我就切切實實地叫我身邊嘅朋友唔好去。雖然唔知道你哋嘅嘢食究竟有幾好食，但令人受嗰啖氣確實厲害。