Burger Begin (Closed)

今日黎黄埔巧遇一間新開張既漢堡包店，見幾多人幫襯，又未食午餐，決定幫襯支持下。除左有漢堡包，仲有幾款熱狗同小食。呢間主打外賣，有個細細地既立食區。由於太肚餓，所以叫左好多野食，最後等左四個字左右就有得食啦，當時都三點lu。黄金漢堡即係鹹蛋黄口味，夾住漢堡扒、芝士、生菜、紫洋蔥、番茄。麵包軟熟，漢堡扒唔會實的的，整體唔錯，可惜鹹蛋黄味唔算好出。墨西哥漢堡微辣，相對比較惹味，夾住既餡料相差無幾。芝士辣肉醬熱狗最惹味最辣，而且好大個，邪惡感十足。炸雞配秘製辣沙律醬今次整得無甘好，炸皮比較厚所以雞肉部分唔多。老闆都話今次失準，平時啲客係大讚炸雞好食架。炸水牛芝士幾好食，即食相信會做到拉絲既效果。成餐食完真係要做運動減肥啦，哈哈。除左有汽水，仲有支裝飲品。