森美餐廳

Open Now

Now Closed

難得可以約齊4個好朋友仔聚一聚梗係要搵個好地方，試下新餐廳先，好在一早訂定位啫！未到8點已經差不多滿座，近門口嘅擺設公仔估計全部都係店主嘅收藏，忍唔住要影多幾張相!!環境好舒服，侍應好有禮貌咁為我地介紹菜式，仲同我地有講有笑好親切每一款食物都為我地帶嚟驚喜!海苔蜜糖雞翼好香，香辣蜆肉意粉出色，森美沙律最多配料好吸引，12安士西冷牛扒Juicy，意想不到嘅配菜竟然有燒菠蘿仲有好多款特式咖啡同梳打汽水，咖啡仲有拉花好靚呀抵食指數爆燈💡💡💡💡原來開業只有一個月多，已經有咁多客人捧場真犀利!唯有係位置比較難形容俾朋友聽，因為位於商場外面，我一定會約朋友仔嚟多幾次飯局😋