Timber

Open Now

Now Closed

同朋友黎酒吧飲野傾計係生活既調劑，小酌一杯，傾吓計，立即將煩惱一掃而空。平時鐘意捐窿捐隙試新地方，今日搵到呢間新開既酒吧，設施乾淨，又多Game玩！呢度小食選擇唔多，同埋望落樣樣都係炸，但出奇地高質素。炸物款款都係乾淨唔會油淋淋既，同埋新鮮熱辣即叫即整。蝦丸 $78蝦丸包裹住脆片黎炸，非常彈牙，細細粒送酒一流。薯角 $68越平凡既野就越難令人有「好食」既感覺，但呢度既薯角有驚喜，薯角唔會炸到過火，薯蓉飽滿又夠粉，質素比預期高。雞翼 $88雞翼炸皮做得又薄又脆，賣相正正常常但原來味道又唔錯，調味方面冇馬虎，雞肉仲嫩滑又Juicy添~睇得出廚師係有用心整呢啲小食。Jap Jap $108Jap Jap原來係取自"Japan" "Japan"，因為呢杯酒受日本食材啟發，入面有綠茶酒、荔枝酒同清酒。非常清淡、帶Sake既清香微甜，極易入口。好適合女仔咁，荔枝肉令杯酒更清爽。Oreo Land $138Oreo Land入面有2款咖啡酒、一款朱古力酒、Vodka、牛奶同埋Oreo。酒精相對Jap Jap高，Baileys既味道好突出，係Vodka+cream，我既最愛。飲落會heavy同crea