小木船 (Closed)

又喺團長飯局嘅時間！今次老連咁遠去屯門三聖村食海鮮喎！心諗真喺有啲遠！坐完鐵又轉巴士後，再行入三聖村碼頭，開頭以為只喺去唔知咩海鮮酒家啦！點知團長話上船食喎，嘩！咁豪！行到三聖村海鮮街最盡頭，團長帶我哋上咗隻舢舨仔，再上咗曹操連環船！錯，係連環三遊艇！依種感覺真喺超豪！第一隻用作客廳，第二隻喺飯廳，第三隻喺酒吧！一時之間，覺得依到個老闆真喺堅有錢！每次同團長拍板食飯都貴精，不貴多！一上枱就嚟個《荔枝柴燒鵝》，賣相擺設唔算特別！但味道可比好深井燒鵝，皮脆肉滑，肉質唔乾身，都頗有風味！《避風塘炒蟹》一上枱，大家都嘩咗一聲！因為隻蟹真超大隻，而且每個部份都好有蒜味，加上用料新鮮，喺蟹腳部份一吸個吓，真喺食到好蟹肉，超正！第三個上枱嘅餸《名門燒茄子》！其實我本身唔鐘食茄子，因為太多澱粉質！但美食當前，又真喺好難忍口！依個燒茄子賣相已經好特別，色彩豐富！茄子軟淋淋唔算彈口，但精彩喺個醬汁，酸酸鹹鹹，再配上茄子原本嘅味道，送飯真喺一流！點都要食啲飯，好彩個套餐喺包括《生蒜馬友石鍋炒飯》！始終喺船上影相，都喺容易手震！賣相唔算特別，但味道都喺一流！蒜香十足，加上馬友肉碎同精華，味道幾有層次感，再配上