Video
Read full review
2021-01-22
1120 views
係工廈林立既觀塘，係興業街有一幢外觀特別，活化自工廈設計時尚摩登既THE WAVE，上面有各式各樣既餐廳，而4樓甚至有一間有室外露台，可以望住觀塘街景既運動主題美式餐廳The Stadium。呢間運動主題既餐廳會播唔同類型既球類賽事，例如英超、歐聯等，好適合有球賽既時間光顧，而且仲有足球機、桌球枱、飛鏢機等比客人玩，岩哂中場休息可以做既野。而食物以美式為主，大廚曾為五星級酒店廚師，水準有保證。招牌菜有安格斯牛肉大菇漢堡、美國極黑毛豬、扒類、意粉等等。-環境🪑面積達三千多呎，空間非常寬敞，工業風設計，有一個大廳同兩個房間區域，配有幾部大電視，兩個房間只要夠人多就可以包房，唔包房時就全部都開放。The Stadium餐桌紙設計別有用心，會有英式足球場、美式足球場、籃球場、棒球場等等。-🫕 南瓜忌廉湯 （👅: 7/10）Set Lunch會有包餐湯、主食同飲品。餐湯係南瓜忌廉湯，味道算濃郁正常，唔會太鹹，南瓜味重，湯杰身。-🍫 Iced chocolate （👅: 7.5/10）我叫左iced chocolate，所以要另外加多$20。Iced chocolate，幾香朱古力味，外觀吸引會睇
係工廈林立既觀塘，係興業街有一幢外觀特別，活化自工廈設計時尚摩登既THE WAVE，上面有各式各樣既餐廳，而4樓甚至有一間有室外露台，可以望住觀塘街景既運動主題美式餐廳The Stadium。
呢間運動主題既餐廳會播唔同類型既球類賽事，例如英超、歐聯等，好適合有球賽既時間光顧，而且仲有足球機、桌球枱、飛鏢機等比客人玩，岩哂中場休息可以做既野。
而食物以美式為主，大廚曾為五星級酒店廚師，水準有保證。招牌菜有安格斯牛肉大菇漢堡、美國極黑毛豬、扒類、意粉等等。
-
環境🪑
面積達三千多呎，空間非常寬敞，工業風設計，有一個大廳同兩個房間區域，配有幾部大電視，兩個房間只要夠人多就可以包房，唔包房時就全部都開放。
The Stadium餐桌紙設計別有用心，會有英式足球場、美式足球場、籃球場、棒球場等等。
-
🫕 南瓜忌廉湯 （👅: 7/10）
南瓜忌廉湯
84 views
1 likes
0 comments
Set Lunch會有包餐湯、主食同飲品。
餐湯係南瓜忌廉湯，味道算濃郁正常，唔會太鹹，南瓜味重，湯杰身。
-
🍫 Iced chocolate （👅: 7.5/10）
Iced chocolate
$20
81 views
2 likes
0 comments
我叫左iced chocolate，所以要另外加多$20。
Iced chocolate，幾香朱古力味，外觀吸引會睇到漸變色，算係唔錯既朱古力。
-
🍔 安格斯牛肉漢堡 💰128（👅: 7.5/10）
安格斯牛肉漢堡
$128
96 views
1 likes
0 comments
呢個算係最多人叫既招牌菜，餐牌上寫左要製作15分鐘，不過等左10分鐘已經有得上菜。
份量非常多，正常人應該會食唔哂，我每次都係食哂個包，薯條最多只可以食到一半。個包非常高身，但勉強可以一啖由頭咬到落尾，我通常會將個包由頂切成一兩口可以食到既份量，務求可以一口食到所有既配料。
安格斯牛肉漢堡
$128
83 views
1 likes
0 comments
漢堡份量大，配料有煙肉、芝士、蕃茄、牛肉、蘑菇、洋蔥、生菜。
安格斯牛肉漢堡
$128
66 views
1 likes
0 comments
可以睇到漢堡既麵包皮有烤過，有小小焦，食落口感脆脆，因為香港唔多漢堡會烤個皮做法馬虎小小，所以食到脆既皮係有驚喜。
芝士可能溫度唔夠高，無完全溶哂落塊肉度，只係溶左小小。
漢堡既醬汁只有菜上面既沙律汁，會略嫌醬汁唔夠多同豐富。
煙肉既咸香同油份有為個包加分，不過如果再脆D會更好。
牛肉有小小肉汁，大小唔算厚，不過會食到有肉味，入口唔韌，我覺得如果再juicyD會更好。
有蕃茄、蘑菇、洋蔥同生菜會令個包清新D無咁油膩。
安格斯牛肉漢堡
$128
184 views
1 likes
0 comments
安格斯牛肉漢堡
$128
61 views
1 likes
0 comments
薯條會配有茄汁同沙律醬，迎合食死一隻味會覺得厭既人既口味，食得出係用新鮮薯仔做，薯條厚有溫度，食落都脆，較乾身，不過唔會話有邊條炸到焦左。
沙津菜唔苦，有落小小意大利黑醋。
-
🌟而味道黎講係及格既美國菜餐廳，不過如果以漢堡黎講我覺得同區有更出色(The Cool Cousins Cafe & Noodle Bar)，無論包既脆度同肉既發揮，而同區都有更出色既朱古力(Him’s)。味道佢唔係觀塘最好，但勝在空間夠大，每次下午去都一定有位唔駛等，比起食物我覺得環境更出色，如果唔係趕時間可以慢慢嘆唔駛急住食。
-
👅味道: 7.5/10
🍴環境: 7.5/10
💰消費: $128 + $20 (服務費: 10%)
Post
