博多拉麵別天神 (Closed)

首先定價就有啲唔理想，因為小弟太懶所以套餐就叫咗套餐， 但係應該分開會抵食啲，其實就係差$5 ，但係就少咗兩隻餃子。然後講吓餃子先，諗住趁熱食所以食咗一隻先記得影相，首先佢個皮真係林到好似碌水餃咁，而且煎得有啲焦，餡料方面冇乜味道。跟住到個拉麵，首先隻蛋就散嘅，然後啲面黐埋一舊，唔知係咪唔夠時間。嗰兩件叉燒死實，口感唔好，味道方面唔知道係咪因為比蝦味增影響，所以都係偏鹹。蝦味增係正常嘅， 號稱剩係得豬骨同埋水嘅湯頭都係感覺太鹹，唔知道係咪真係蝦味增影響啦，成碗麵最好嘅可能係粟米，甜甜地嘅🫠本來見到自己撳機落order有啲日本嘅感覺，加上喺附近返工咁耐都未試過，期待值太高，所以同現實反差有啲太大，但總體嚟講都係劣評。