黑丸嫩仙草 (Closed)

有一次心血來潮見到instagram 有人食芋圓，就決定走去太子個間人人都話都好正既黑丸嫩仙草！ 講下環境先啦，開放式廚房再加裝修夠哂特別，加埋有幾張枱同埋櫈櫈，環境都算幾舒服，夏天呢時間行到熱熱地個陣入去食下芋圓嘆埋冷氣真係一流！ 今次就叫左個芋圓嫩仙草試下，其實之前都係荃灣食過一次芋圓，都大約知道咩係芋圓。可能見到個個人都話好好味，對於呢個芋圓嫩仙草有極大既期待！好！我唔客氣啦！食左先講！呢個芋圓都算過得去，不過就有小小失望，芋圓唔算彈牙，仙草幾好食，加埋啲小丸子丶綠豆同埋其他材料，食落幾新鮮口感幾特別。不過最可惜既係佢唔夠凍，食落去會有小小失望，唔知點咁！我只能可以講話，未必會有下一次。