疊囍居

Open Now

Now Closed

之前同老闆嚟食午餐，食過幾好食。今日放假一心帶兩老過嚟試吓下午茶。食完之後覺得自己好似同之前食完全兩回事。第一樣上嘅就係個榴槤布丁，食咗一啖酸嘅。叫個侍應去取消，點知個部長攞過一個新嘅過嚟，佢話呢個唔會酸。食完之後係冇酸味嘅，但係感覺已經唔係咁好。個菇菌嘅蒸餃都冇之前咁香，個芋蓉都係常溫嚟嘅，咁老竇叫咗個叉燒撈粗，啲叉燒較乾身。點知行出去廁所嘅時候見到隔籬枱嗌嗰啲叉燒瀨粉啲叉燒仲好過呢個貴價撈粗。去完廁所返嚟加咗個燒肉瀨粉，老竇就加太客鹹茶果。個燒肉啲皮脆。跟住個茶果咬開嘅時候見到裏面係一粒粒嘅眉豆，無係磨蓉，口感怪怪的。