賞茶 (Closed)

晚餐經過呢條街，已經有好多餐廳選擇。西餐、台式、泰式同中式，基於久違台灣食物同便宜ge關係就揀左呢間，可能因為初二ge關係，人不多。呢間應該係主打台式飲品，但就撈埋飯、麵同小食嗰飯，可惜選擇唔多，變化亦少，有送指定飲品。我點左台式炸雞扒肉燥飯，份量好大，男仔都飽更可況我呢？雞扒炸得香脆，灑上面嘅椒鹽調味，十足豪大大ge香味😂，非常吸引，但可以再咸少少，肉質算滑，多汁。不過肉燥就反而過咸，肉燥不是偏甜的嗎？呢個肉燥咸到扣分，每啖飯只加少少肉燥。友人點左滷水雞翼花枝丸沙茶烏冬，雞翼無咩特別，唔係話好入味，但合格。花枝丸反而有驚喜，皮薄彈牙。而個沙茶汁其實係好味ge，不過我同友人一致認同比較襯魚蛋😂，因為我地係台灣食過沙茶魚蛋，幾好味。飲品而言分別點左波霸奶茶同蜂蜜綠茶，都偏甜左少少。總括而言，呢個價錢，送埋飲品算係咁。