永樂餃子店

Open Now

Now Closed

係附近醫院探完病好肚餓，但係上環既餐廳都好早關門。剛好發現一家自家風味餃子店 - 永樂餃子店，鋪面感覺一般般，冇乜裝修冇乜冷氣亦都冇乜客人。始終附近可能係寫字樓辦公室返工的地點。膽粗粗入咗去坐低試吓，點知有意外驚喜。坐低左老闆同我地講主打係花膠淮山豬骨湯底，落重本製作嫁試一試啦! 餐廳有多款口味餃子選擇，有芝士餃有羊肉餃有咖喱薯仔餃......睇落有啲西色口味，感覺上第一次食都係要試返傳統口味會安全啲。最後決定經典風味鮮肉白菜餃，叫餃子唔跟麵有八隻餃，粒粒都好大粒，餡料夠多足料，水餃皮厚薄適中。雖然話係花膠湯但其實係冇比花膠既，但湯底味道濃郁，飲得出沒有味精，飲完不口渴。黎呢度食記得記得記得（重要嘅要講三次）最緊要飲埋個湯，正到飛起！