肥仔雲南小鍋米線

Open Now

Now Closed

嚟開呢區過嚟朝聖，地點其實係德寶未入正門之前右手邊條巷仔(我哋兜錯路)，是日烈日當空，雖然唔駛排好耐隊，但咁啱油煙位喺正門口噴出，更加熱🥵坐落感覺係逼少少(一般米線舖都係咁㗎啦)，但幾乾淨喎🥰嗌咗豬頸肉雞腎酸辣小辣米線+腩肉魚皮餃麻辣米線+小食炸魷魚鬚餸：豬頸肉可能無分湯嘅關係，無嗰種微焦嘅香口，只係普通浸咗湯嘅豬肉😅鴨腎薄切，爽口得嚟有肉味，筋位都唔韌🥰腩肉少辣得嚟，索咗預先烹調嘅醬汁好入味，同坊間嗰啲比無乜肥肉，鍾意瘦肉嘅人會啱食👍🏻魚皮餸有3粒，正常👌🏾餸嘅份量有啲少，性價比唔高下次都係食返平餸算😬一開始以為無乜配料，原來喺曬底，芽菜為主👍🏻湯底：第一啖食係幾鹹，後調係甜，酸辣同湯底嘅甜味比較夾，湯底唔酸，主要酸味嚟自酸菜，喺曬底撈一撈先食就剛剛好👍🏻麻辣配甜嘅湯頭就有少少違和感，不過唔算麻呢點幾好(唔鍾意麻到嘴唇痺嘅感覺)。小小不自量力地嗌咗少辣(平時譚x嗌開5小辣)，越食越辣😅米線：偏幼身，滑帶少少煙韌，幾掛湯不錯，份量好多，最後食剩炸魷魚鬚用薄粉包裹住再炸，好酥脆，魷魚有返咁上下厚度，有咬口，就算凍咗食都仲係唔錯，推介！🥰🥰飲品正常，少冰/少甜嗰啲要求都滿足到水準中上，未至