一幻拉麵 (Closed)

一幻作為日式拉麵連鎖店，應該好多人都識，我哋今次就係為咗佢個限定菜單去（牡蠣蝦湯拉麵🦪），因為香港牡蠣用黎做拉麵比較少，所以即刻去試吓！🤭今次叫左叫咗一個季節限定 同埋佢哋兩個招牌拉麵嚟試吓！🍜🦪牡蠣蝦湯拉麵($138)香港新年限定菜單,招牌甜蝦湯底，再配合鮮味蠔肉碎 , 整體湯嘅味道都豐富 , 只不過配料方面嘅牡蠣就比較遜色 , 相比起封面上嘅肥美牡蠣,就只有比較細小嘅兩粒蠔仔,呢方面就比較失望🥴🍜🌶辛辣味噌蝦湯拉麵($88)常駐menu中唯一一個辣嘅拉麵，帶有辣味濃厚味噌配上鮮甜蝦湯，啱哂無辣不歡同重口味人士，依個拉麵係香港限定😝，就算日本都冇得食㗎～🍜🥣原味拉麵($88)湯底蝦味濃郁，湯底入面有啲豬油碎，令到個湯底更加香濃，而且有啲口感，麵質彈牙，唔會煮得太淋，日式叉燒方面肥瘦適中，但係份量偏不足。總結：價錢適中，每碗拉麵平均一百蚊有找，選擇方面除左有香港限定拉麵，佢仲有個季節限定拉麵，佢隔一排都會轉一轉個款式，例如今次個主題係🦪牡蠣蝦湯拉麵，如果你揀原味蝦湯🦐嘅話，你仲可以自己揀湯底同調味，唔夠飽仲可以加配小食😳，私心推薦餃子🥟，服務方面，店員服務唔錯，佢上菜嘅時候都講返個菜式