Café Crêpe (K11購物藝術館) (Closed)

-🐷係呢間來自加拿大嘅法式可麗餅專門店嘅常客，佢嘅吸引之處在於餅身較薄，口感煙韌，口味款式較多，鹹味甜味都有好多選擇。暫時食過各種口味都非常高質，今次就介紹🐷最鍾意嘅兩款口味🥰 🍎Butterscotch Apple Crisp $108蘋果金寶配奶油醬及香草雪糕🍦奶油醬帶香濃焦糖肉桂香味，蘋果嘅肉桂味亦相當入味。餅上灑上香脆嘅crumble，口感更有層次。建議可麗餅同香草味雪糕一齊食，冷熱交融，亦可中和甜味及增加香味，推薦👍🏻 🖤Crêpe St. Jacques $125秘製瑞士芝士汁配黑松露帶子。雖然表面無太多嘅裝飾，但一切開真係不得了！可麗餅入面充滿嫩滑嘅帶子粒同磨菇，口感豐富，每粒都沾滿黑松露汁，整體相當有驚喜🤩 🍍Pina Colada French soda $48以梳打水代替酒精嘅Pina Colada，菠蘿味香甜突出，口感帶椰漿混和嘅菠蘿果肉碎，味道清新。 🍵Jade frappuccinos $52抹茶味沙冰底，抹茶回甘帶輕微鮮奶香味，沙冰偏粗粒，再鋪上忌廉同黑朱古力碎🍫適合唔鍾意太甜嘅朋友。