名代宇奈備長炭燒鰻魚飯專門店 (iSQUARE國際廣場) (Closed)

名代宇奈呢間過江龍鰻魚飯，喺日本已經出名抵食。香港之前都要排長龍，今次又等得唔耐，大概10mins，排隊時已經見到師傅喺到炭烤鰻魚。鰻魚燒玉子 $68 燒玉子係我嘅至愛，見到數量限定緊係試下啦。燒玉子熱辣辣，蛋味蓋過鰻魚味，下次試下鰻魚冷豆腐先。鰻魚重 特上$158 唔需要叫特大，特上嘅鰻魚都幾大份。唔太食得出炭烤味，鰻魚烤得香口會更佳，以及醬汁唔多夠。鰻魚飯 三食$88 之前都喺名古屋食過鰻魚三食，呢個當然唔可以同日本比較啦，但就勝在抵食。侍應會教你分4份食，第一份係食原味，第二份配上茶湯，變成茶漬飯，第三份係配上wasabi，最後一份係揀選你最喜愛嘅。我就喜歡茶漬飯，冇咁油膩。整體上一般，但以日本鰻魚飯就抵食。