爆汗串串 (Closed)

喺香港好少會食到串串，依間新開喺旺角嘅川菜小店就引入串串香，仲有唔同嘅特色小食。串串一嗌嗌咗三十串，十款每款三串，我哋揀咗魷魚、黃喉、肥腸、牛肉、海帶、魔芋、雞腎、豆干、秀珍菇同豆卜。湯底夠麻辣，紅油一層係上面睇落去勁開胃。魷魚係水魷，覺得唔夠辣；黃喉好味，入味有咬勁；肥腸牛肉都夠稔身，惹味。雞腎爽口，豆卜同秀珍菇就索哂啲湯，正！香油碟添加香氣，又解辣。清湯水餃皮薄餡香，粒粒結實。棒棒雞麻醬香，同青瓜一齊食，兩個都係解辣小幫手。最後我哋嗌咗烏梅汁，唔係好酸，有後勁嘅梅味，放喺燈泡杯度特別靚🤤