茶理史 (Closed)

芫荽☘️到底係香係臭？真見仁見智🥸！見呢排有人開左一個叫「香港芫荽黨」嘅群組，又瘋狂推人入坑😂，真笑死我！前排見到茶理史推出新「芫荽」系列，鐘意芫荽嘅我點可能唔試？我試左一杯「海鹽雲頂芫荽奶綠」，雖然佢賣相唔多吸引，顏色好似五青汁，但其實係用咗茉莉綠茶🍵，配上打碎嘅芫荽醬同芫荽碎，估唔到綠茶同芫荽嘅味道都算幾夾👍🏻，同樣都係非常清新，好令人精神。精萃係飲左一啖後，就慢慢滲出芫荽嘅草腥味，可惜我覺得陣味有點唔夠喉，再腥D🍀就更好！因為呢一杯飲品係用奶蓋嘅做法，奶主要集中喺頂部，唔似一般奶綠偏重於奶味，所以我覺得佢只係一杯芫荽綠茶奶蓋，而唔覺得係奶綠🙂！至於你話值唔值得飲？我覺得芫荽味都只係一個噱頭！可能對佢期望太高，始終芫荽味唔算好重，杯飲品又多冰，買$38有少少貴。經過專門店，又想挑戰嘅不妨一試！