Video
Read full review
2022-12-28
69 views
食過流水蝦，DIY大阪燒，釣魚居酒屋，朋友今次想試旋轉燒烤。飯來張口既級別😆，無須任何煮食技巧就可以食BBQ。一入座把握時間點好各類食物，就可以自助拎飲品。汽水之外仲有養生系列例如燕麥豆奶，最好飲係同檀島茶餐廳聯乘的檸檬茶，果香茶味都好有港式味道。肉類選擇唔算特別多，但豬牛羊雞海鮮要有都有。最回本一定係食M6和牛牛柳，可以見到左邊兩串肉特別有光澤。食到一半發覺豬五花豬大腸這類肥美的串燒好適合燒烤，豬大腸油花爆發唔羶。旋轉燒烤原理係利用串燒棒上的齒輪，放入烤爐的坑就會自動360度轉。小心得：如果遇上比較大件的食物如雞肶菇，有時會同側邊的串燒碰撞。自己移動一下食物的排位距離，就可以正常轉動，而且會熟得更快。第一round以為烤爐唔夠力，等到食物燒到乾哂先拎起。第二round就知道表面收水的時候已經可以食，好快就食飽飽。蔬菜類本身唔會出油，就可以加燒烤醬保濕。調味方面孜然粉無得輸，雞羊串特別夾。開胃既就要試泰式魚露，唔會太鹹太辣，酸甜的幾醒神。燒賣燒過加孜然粉變成健康版淮鹽炸燒賣。菠蘿我encore左三次，新鮮菠蘿風味十足。甜食方面有棉花糖同雞蛋仔，上盤時生熟食物會分開放。棉花糖開始澎脹就要
一入座把握時間點好各類食物，就可以自助拎飲品。汽水之外仲有養生系列例如燕麥豆奶，最好飲係同檀島茶餐廳聯乘的檸檬茶，果香茶味都好有港式味道。
肉類選擇唔算特別多，但豬牛羊雞海鮮要有都有。最回本一定係食M6和牛牛柳，可以見到左邊兩串肉特別有光澤。
食到一半發覺豬五花豬大腸這類肥美的串燒好適合燒烤，豬大腸油花爆發唔羶。
旋轉燒烤原理係利用串燒棒上的齒輪，放入烤爐的坑就會自動360度轉。小心得：如果遇上比較大件的食物如雞肶菇，有時會同側邊的串燒碰撞。自己移動一下食物的排位距離，就可以正常轉動，而且會熟得更快。
第一round以為烤爐唔夠力，等到食物燒到乾哂先拎起。第二round就知道表面收水的時候已經可以食，好快就食飽飽。
蔬菜類本身唔會出油，就可以加燒烤醬保濕。調味方面孜然粉無得輸，雞羊串特別夾。開胃既就要試泰式魚露，唔會太鹹太辣，酸甜的幾醒神。
燒賣燒過加孜然粉變成健康版淮鹽炸燒賣。菠蘿我encore左三次，新鮮菠蘿風味十足。
甜食方面有棉花糖同雞蛋仔，上盤時生熟食物會分開放。
棉花糖開始澎脹就要拎起啦，金黃誘人，中心已經溶可以伴雞蛋仔粒一同食就無咁甜。
Last order時職員會提你有一杯哈根大師或啫喱可以揀，少少可惜係甜品並非任食，如果有少少凍的甜品會更滿足。
兩個鐘的時間兩人用餐時間充夠，食完衣物無油煙味，鬧市入面可以串燒式BBQ都幾有趣呀。
Post
